ಬಾಲಿವುಡ್ ನಟ ಆಮೀರ್ ಖಾನ್ ಕೊರೊನಾ ಸೋಂಕಿಗೆ ಒಳಗಾಗಿದ್ದು ಪ್ರಸ್ತುತ ಹೋಂ ಕ್ವಾರಂಟೈನ್ನಲ್ಲಿ ಇದ್ದಾರೆ ಎಂದು ಅವರ ವಕ್ತಾರ ಮಾಹಿತಿ ನೀಡಿದ್ದಾರೆ. 56 ವರ್ಷದ ನಟನ ಆರೋಗ್ಯದಲ್ಲಿ ಯಾವುದೇ ಏರುಪೇರು ಉಂಟಾಗಿಲ್ಲ.
ಆದರೆ ಆಮೀರ್ ಖಾನ್ ಸಂಪರ್ಕದಲ್ಲಿ ಇದ್ದವರು ಸೂಕ್ತ ಮುಂಜಾಗ್ರತಾ ಕ್ರಮ ಕೈಗೊಳ್ಳಿ ಹಾಗೂ ಕೊರೊನಾ ಪರೀಕ್ಷೆ ಮಾಡಿಸಿಕೊಳ್ಳಿ ಎಂದು ಆಮೀರ್ ಖಾನ್ ವಕ್ತಾರ ಮನವಿ ಮಾಡಿದ್ದಾರೆ.
ಆಮೀರ್ ಖಾನ್ಗೆ ಕೊರೊನಾ ಇರೋದು ದೃಢವಾಗುತ್ತಿದ್ದಂತೆಯೇ ಕಿಯಾರಾ ಅಡ್ವಾಣಿ ಕೊರೊನಾ ಪರೀಕ್ಷೆ ಮಾಡಿಸಿಕೊಂಡಿದ್ದಾರೆ. ನಿತೇಶ್ ತಿವಾರಿ ನಿರ್ದೇಶನದ ಕಮರ್ಷಿಯಲ್ವೊಂದರಲ್ಲಿ ಆಮೀರ್ ಹಾಗೂ ಕಿಯಾರಾ ಜೊತೆಯಾಗಿ ನಟಿಸುತ್ತಿದ್ದರು.
ಕಾರ್ತಿಕ್ ಆರ್ಯನ್ ಜೊತೆ ಭೂಲ್ ಬಲ್ಲಯ್ಯಾ 3 ಸಿನಿಮಾದಲ್ಲಿ ನಟಿಸುತ್ತಿದ್ದ ವೇಳೆಯೂ ಕಾರ್ತಿಕ್ಗೆ ಸೋಂಕು ಬಂದ ಕಾರಣ ಕಿಯಾರಾ ಪರೀಕ್ಷೆಗೆ ಒಳಗಾಗಿದ್ದರು. ಆದರೆ ಆಗ ಕಿಯಾರಾ ವರದಿ ನೆಗೆಟಿವ್ ಬಂದಿತ್ತು.
ಆಮೀರ್ ಖಾನ್ ಜೊತೆ ನಟಿಸಿದ ಕಾರಣಕ್ಕೆ ಕಿಯಾರಾ ಇದೀಗ ಇನ್ನೊಮ್ಮೆ ಕೊರೊನಾ ಟೆಸ್ಟ್ಗೆ ಒಳಗಾಗಿದ್ದಾರೆ.
Loading ...