ಪಾಪ್​ ತಾರೆ ಮೇಲಿನ ಅಭಿಮಾನಕ್ಕೆ ಈತ ಮಾಡಿದ್ದೇನು ನೋಡಿ…!

ತಮ್ಮ ನೆಚ್ಚಿನ ಸೆಲೆಬ್ರಿಟಿಯನ್ನ ಖುಷಿಪಡಿಸಬೇಕು ಅಂದರೆ ಕೆಲ ಅಭಿಮಾನಿಗಳು ಹುಚ್ಚುತನವನ್ನ ಪ್ರದರ್ಶನ ಮಾಡುತ್ತಾರೆ. ಆದರೆ ಈ ವಿಚಾರದಲ್ಲಿ ಎಲ್ಲಾ ಅಭಿಮಾನಿಗಳನ್ನ ಸರಿಗಟ್ಟಿರುವ ಬ್ರಿಟಿಷ್​ ಅಭಿಮಾನಿಯೊಬ್ಬ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ 2016ರಲ್ಲಿ ನಿಧನರಾಗಿದ್ದ ಪಾಪ್​ ಗಾಯಕ ಜಾರ್ಜ್​ ಮೈಕಲ್​ ಅವರು ಉಳಿದುಕೊಂಡಿದ್ದ ಮನೆಯನ್ನ ಬರೋಬ್ಬರಿ 1,39,78,09,100.00ರೂಪಾಯಿ ನೀಡಿ ಖರೀದಿ ಮಾಡಿದ್ದಾರೆ.

ವೈದ್ಯಕೀಯ ಸಂವಹನ ಸಂಸ್ಥೆಯನ್ನ ನಡೆಸುತ್ತಿರುವ ಸ್ಟಿಫನ್​ ಕ್ಯಾಮರೂನ್​, ಕಳೆದ ನಾಲ್ಕು ವರ್ಷಗಳಿಂದ ಹೊಸ ಆಸ್ತಿಗಾಗಿ ಹುಡುಕಾಟ ನಡೆಸುತ್ತಿದ್ದರು. ಇದೀಗ ಉತ್ತರ ಲಂಡನ್​ನಲ್ಲಿರುವ ದಿವಂಗತ ಪಾಪ್​ ಗಾಯಕನಿಗೆ ಸೇರಿದ್ದ ಏಳು ಕೋಣೆಗಳ ಭವ್ಯ ಬಂಗಲೆಯನ್ನ ಖರೀದಿ ಮಾಡಿದ್ದಾರೆ. ಅಲ್ಲದೇ ನೆಚ್ಚಿನ ತಾರೆ ವಾಸವಿದ್ದ ಮನೆಗೆ ಅತಿ ಶೀಘ್ರದಲ್ಲೇ ಶಿಫ್ಟ್ ಆಗಲಿದ್ದೇನೆ ಎಂದು ಸಂತಸ ಹೊರಹಾಕಿದ್ದಾರೆ.

ವಿವಾಹಿತ ಕ್ಯಾಮರೂನ್​ಗೆ ಮೂವರು ಮಕ್ಕಳಿದ್ದಾರೆ. ಜಾರ್ಜ್​ ಮೈಕಲ್​ ದೊಡ್ಡ ಅಭಿಮಾನಿಯಾಗಿದ್ದ ಕ್ಯಾಮರೂನ್​ ಇದೀಗ ಅವರು ವಾಸವಿದ್ದ ಮನೆಯನ್ನೇ ಖರೀದಿ ಮಾಡುವ ಮೂಲಕ ತಮ್ಮ ಅಭಿಮಾನ ಯಾವ ಮಟ್ಟದಲ್ಲಿದೆ ಎಂದು ತೋರಿಸಿಕೊಟ್ಟಿದ್ದಾರೆ. ಹೊಸ ಮನೆಗೆ ಯಾವಾಗ ಶಿಫ್ಟ್ ಆಗುತ್ತೇನೆ ಎನ್ನುವುದರ ಬಗ್ಗೆ ಕ್ಯಾಮರೂನ್​ ಯಾವುದೇ ನಿಗದಿತ ದಿನಾಂಕವನ್ನ ಬಹಿರಂಗ ಮಾಡಿಲ್ಲ.