ಡೋರೆಮಾನ್​ ಕಾರ್ಟೂನ್​ ಶೋ ಅಭಿಮಾನಿಗಳಿಗೆ ಇಲ್ಲಿದೆ ಗುಡ್​ ನ್ಯೂಸ್​..!

ಡೋರೆಮಾನ್​ ಬೆಸ್ಟ್​ ಫ್ರೆಂಡ್ ನೋಬಿತಾ ಹಾಗೂ ಶಿಝುಕಾ ಪ್ರೇಮದ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಆಕೆಯನ್ನ ತನ್ನತ್ತ ಸೆಳೆಯೋಕೆ ಶಿಝುಕಾ ಮಾಡೋ ಪ್ಲಾನ್​ಗಳು ಒಂದೆರಡಲ್ಲ.

ಈತನ ಪ್ರೇಮದ ಕತೆಗೆ ಆತನ ನಾಟಿ ಗೆಳೆಯರಾದ ಗ್ಯಾನ್​ ಹಾಗೂ ಸುನಿಯೋ ಕೋಡ ಕಾಟಗಳನ್ನ ನೋಡೋದೇ ಒಂದು ಮಜಾ.
ಮಕ್ಕಳ ಫೇವರಿಟ್ ಕಾರ್ಟೂನ್​ ಶೋ ಪಾತ್ರಗಳಾದ ನೋಬಿಟಾ ಹಾಗೂ ಶಿಝುಕಾ ಇದೀಗ ಮದುವೆಯಾಗೋಕೆ ರೆಡಿಯಾಗಿದ್ದಾರೆ. ಸ್ಟ್ಯಾಂಡ್​ ಬೈ ಮಿ ಡೊರೆಮಾನ್​ 2ನಲ್ಲಿ ಈ ಜೋಡಿ ಮದುವೆಯಾಗಲಿದೆ. ಈ ಸುದ್ದಿಯನ್ನ ನೋಡಿದ ಟ್ವೀಟಿಗರು ಫುಲ್​ ಖುಶ್​ ಆಗಿಬಿಟ್ಟಿದ್ದಾರೆ.

ಕೊನೆಗೂ ಈ ಅದ್ಭುತ ಗಳಿಗೆಗೆ ನಾವು ಸಾಕ್ಷಿಯಾಗ್ತಿದ್ದೇವೆ ಅಂತಾ ಟ್ವೀಟಿಗರು ಈ ವಿಚಾರವನ್ನ ಸಿಕ್ಕಾಪಟ್ಟೆ ವೈರಲ್​ ಮಾಡಿದ್ದಾರೆ. ಒಬ್ಬೊಬ್ಬರ ಟ್ವೀಟಿಗಳನ್ನ ನೋಡ್ತಿದ್ರೆ ಹೊಟ್ಟೆ ಹುಣ್ಣಾಗುವಷ್ಟು ನಗು ಬರೋದ್ರಲ್ಲಿ ಸಂದೇಹವಿಲ್ಲ.