ಕುತೂಹಲಕ್ಕೆ ಕಾರಣವಾಗಿದೆ ಅಕ್ಷಯ್ ಕುಮಾರ್ ಹೊಸ ಚಿತ್ರದ ಪೋಸ್ಟರ್

ಹಬ್ಬದ ಸಂದರ್ಭದಲ್ಲಿ ತಮ್ಮ ಮುಂದಿನ ಚಿತ್ರದ ಹೆಸರನ್ನ ಘೋಷಣೆ ಮಾಡಿದ್ದಾರೆ ಬಾಲಿವುಡ್​ ಕಿಲಾಡಿ. ಸಿನಿಮಾ ಪೋಸ್ಟರ್​ ಹಂಚಿಕೊಳ್ಳುವ ಮೂಲಕ ತಮ್ಮ ಮುಂದಿನ ಚಿತ್ರ ರಾಮ್​ ಸೇತು ಅಂತಾ ಹೇಳಿದ್ದಾರೆ.

ಟ್ವಿಟರ್ ನಲ್ಲಿ ಚಿತ್ರದ ಪೋಸ್ಟರ್​ ರಿಲೀಸ್​ ಮಾಡಿರುವ ನಟ ಅಕ್ಷಯ್​ ಕುಮಾರ್​, ಈ ದೀಪಾವಳಿ ಹಬ್ಬದಂದು ರಾಮನ ಆದರ್ಶಗಳನ್ನ ಜೀವಂತವಾಗಿಡಲು ಪ್ರಯತ್ನಿಸೋಣ. ಮುಂದಿನ ಪೀಳಿಗೆಗೆ ಸಂಪರ್ಕ ಸೇತುವೆ ನಿರ್ಮಿಸೋಣ. ಈ ಮಹತ್ತರವಾದ ಕಾರ್ಯ ಮಾಡಲು ರಾಮ್​ಸೇತು ಎಂಬ ಸಣ್ಣ ಪ್ರಯತ್ನ ಮಾಡುತ್ತಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.

ರಾಮ್​ ಸೇತು ಪೋಸ್ಟರ್​ನಲ್ಲಿ ಅಕ್ಷಯ್​ ಕುಮಾರ್​​ ಹಿಂದೆ ರಾಮನ ಚಿತ್ರವಿದೆ. ಕುತ್ತಿಗೆಗೆ ಕೇಸರಿ ಬಣ್ಣದ ಶಾಲನ್ನ ಹಾಕಿರುವ ಅಕ್ಷಯ್​ ಕುಮಾರ್​​ ಸಮುದ್ರದ ಹಾದಿಯಲ್ಲಿ ನಡೆದುಕೊಂಡು ಬರ್ತಿದ್ದಾರೆ .