ವೇಣು ಶ್ರೀರಾಮ್ರ ಸಿನಿಮಾ ‘ವಕೀಲ್ ಸಾಬ್’ ಶುಕ್ರವಾರ ತೆರೆಗೆ ಅಪ್ಪಳಿಸಿದ ಬಳಿಕ ಪವನ್ ಕಲ್ಯಾಣ್, ನಿವೇಥಾ ಥೋಮಸ್, ಅಂಜಿ ಹಾಗೂ ಅನನ್ಯಾ ಅವರ ಅಭಿನಯಕ್ಕೆ ಮೆಚ್ಚುಗೆ ಸಿಗೋದ್ರ ಜೊತೆಗೆ ಪ್ರಕಾಶ್ ರಾಜ್ರ ಅಪ್ರತಿಮ ನಟನೆಗೂ ಸಿಕ್ಕಾಪಟ್ಟೆ ಮೆಚ್ಚುಗೆ ವ್ಯಕ್ತವಾಗ್ತಿದೆ.
ಸಿನಿಮಾದ ಎರಡನೇ ಭಾಗದಲ್ಲಿ ಪ್ರತಿಷ್ಠಿತ ವಕೀಲ ನಂದಾ ಎಂಬ ಪಾತ್ರದಲ್ಲಿ ಪ್ರಕಾಶ್ ರಾಜ್ ಕಾಣಿಸಿಕೊಳ್ತಾರೆ. ಪ್ರಕಾಶ್ ರಾಜ್ರ ಈ ನಟನೆಗೆ ಸ್ವತಃ ಮೆಗಾಸ್ಟಾರ್ ಚಿರಂಜೀವಿ ಕೂಡ ಫಿದಾ ಆಗಿದ್ದು, ವೈಯಕ್ತಿಕವಾಗಿ ಪ್ರಕಾಶ್ ರಾಜ್ರನ್ನ ಭೇಟಿಯಾಗಿ ಶುಭಾಶಯ ಕೋರಿದ್ದಾರೆ.
ಪ್ರಕಾಶ್ ರಾಜ್ ರನ್ನ ಭೇಟಿಯಾದ ಫೋಟೋ ಟ್ವಿಟರ್ನಲ್ಲಿ ಶೇರ್ ಮಾಡಿರುವ ಚಿರಂಜೀವಿ, ನಿಮ್ಮ ತಂಡದಲ್ಲಿ ಪ್ರಕಾಶ್ ರಾಜ್ರಂತಹ ನಟರಿದ್ದರೆ ಸಹನಟರೂ ಸಹ ಮತ್ತಷ್ಟು ಚೆನ್ನಾಗಿ ನಟಿಸ್ತಾರೆ. ವಕೀಲ್ ಸಾಬ್ ಸಿನಿಮಾದಲ್ಲಿ ಪವನ್ ಕಲ್ಯಾಣ್ ಜೊತೆ ಅತ್ಯುತ್ತಮ ಅಭಿನಯ ಮಾಡಿದ್ದಾರೆ. ವಿಶೇಷವಾದ ಶುಭಾಶಯ ಪ್ರಕಾಶ್ ಎಂದು ಶೀರ್ಷಿಕೆ ನೀಡಿದ್ದಾರೆ.
ಕುಟುಂಬ ಸಮೇತರಾಗಿ ಚಿತ್ರಮಂದಿರಕ್ಕೆ ತೆರಳಿದ್ದ ಚಿರಂಜೀವಿ ತಮ್ಮ ಸಹೋದರನ ನಟನೆಯನ್ನ ಸಖತ್ ಎಂಜಾಯ್ ಮಾಡಿದ್ದರು. ಸಂಪೂರ್ಣ ಸಿನಿಮಾ ತಂಡಕ್ಕೆ ಚಿರಂಜೀವಿ ಶುಭಾಶಯವನ್ನ ಕೋರಿದ್ದರು. ಮಹೇಶ್ ಬಾಬು, ರಾಮ್ ಚರಣ್, ವರುಣ್ ತೇಜ್ ಹಾಗೂ ಸಾಯು ಧರಮ್ ತೇಜ್ರಂತಹ ಸ್ಟಾರ್ ನಟರು ಈ ಸಿನಿಮಾವನ್ನ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ರು.
Loading ...