ನಕ್ಕು ನಗಿಸುತ್ತೆ ಬಾಬಾ ಸೆಹ್ಗಾಲ್ ರ್ಯಾಪ್ ವಿಡಿಯೋ

ಬ್ಯಾಕ್ ಸ್ಟ್ರೀಟ್ ಬಾಯ್ಸ್ ತಂಡದ ಐ ವಾಂಟ್ ಇಟ್ ದಟ್ ವೇ ಹಾಡಿನ ರಾಗದಲ್ಲೇ ಹಿಂದಿ ಆವೃತ್ತಿ ಹೊರತಂದಿದ್ದು, ಶೈನಿಂಗ್ ತೇರೆ ದಾಂತ್ ಹೈ ಎಂಬ ಸಾಹಿತ್ಯದೊಂದಿಗೆ ಹಾಸ್ಯಾತ್ಮಕವಾಗಿ ಹಾಡಿದ್ದಾರೆ.

ಏಕಕಾಲದಲ್ಲಿ ನಾಲ್ಕು ಅವತಾರದಲ್ಲಿ ಕಾಣಿಸಿಕೊಂಡಿರುವ ಬಾಬಾ ಸೆಹ್ಗಾಲ್, ವಿಭಿನ್ನ ಶೈಲಿಯ ಭಾವಾಭಿನಯದ ಮೂಲಕ ನಗೆ ತರಿಸುತ್ತಾರೆ.

ಅಷ್ಟೇ ಅಲ್ಲದೆ, ವಿಡಿಯೋದ ಆರಂಭದಲ್ಲಿ ಕ್ಲಿಪ್ ಬೋರ್ಡ್ ನಲ್ಲಿ ಕಾಣಿಸಿಕೊಂಡು, ನಂತರ ಲ್ಯಾಪ್ ಟಾಪ್ ನಲ್ಲಿ ಕಾಣಿಸಿಕೊಂಡು ಸೆಳೆಯುತ್ತಾರೆ. ಬಳಿಕ ಖಾಲಿ ಸಭಾಂಗಣ, ಹಾಗೆ ತುಂಬಿದ ಸಭಾಂಗಣದಲ್ಲಿ ಪ್ರೇಕ್ಷಕರ ಶಿಳ್ಳೆ ಚಪ್ಪಾಳೆಗಳ ನಡುವೆ ಹಾಡುತ್ತಿರುವಂತೆ ಸೃಷ್ಟಿಸಲಾಗಿದೆ. ಪ್ರಮುಖವಾಗಿ ಹಲ್ಲಿನ ಆರೋಗ್ಯ ಕಾಪಾಡಿಕೊಳ್ಳುವ ಸಂದೇಶವನ್ನು ನವಿರು ಹಾಸ್ಯದ ಮೂಲಕ ಹಾಡು ಕಟ್ಟಿ ಹಾಡಿದ್ದಾರೆ.