ಕೊರೊನಾ ಸೋಂಕಿಗೆ ಒಳಗಾಗಿದ್ದನ್ನ ದೃಢಪಡಿಸಿದ ನೀತು ಕಪೂರ್​

ಬಾಲಿವುಡ್​ ಹಿರಿಯ ನಟಿ ನೀತು ಕಪೂರ್​ ತಮ್ಮ ಇನ್ಸ್​ಟಾಗ್ರಾಂ ಪೋಸ್ಟ್​ ಮೂಲಕ ತಮಗೆ ಕೊರೊನಾ ಸೋಂಕು ಇರುವ ವಿಚಾರವನ್ನ ಬಹಿರಂಗಪಡಿಸಿದ್ದಾರೆ. 62 ವರ್ಷದ ಈ ನಟಿ ಈ ವಾರದ ಆರಂಭದಲ್ಲಿ ಕೊರೊನಾ ವೈರಸ್​ ದಾಳಿಗೆ ಒಳಗಾಗಿದ್ದರು. ನೀತು ಕಪೂರ್​ ಕಳೆದ ವಾರ ‘ಜುಗ್​ ಜುಗ್​ ಜಿಯೋ’ ಸಿನಿಮಾ ಶೂಟಿಂಗ್​ಗಾಗಿ ವರುಣ್​ ಧವನ್​ ಹಾಗೂ ಅನಿಲ್​ ಕಪೂರ್​ರೊಂದಿಗೆ ಚಂಡೀಗಡ್​ನಲ್ಲಿ ಇದ್ದ ವೇಳೆ ವೈರಸ್​ಗೆ ತುತ್ತಾಗಿದ್ದಾರೆ.

ಅನಿಲ್​ ಕಪೂರ್​ರನ್ನ ಒಬ್ಬರನ್ನ ಹೊರತುಪಡಿಸಿ ವರುಣ್​ ಧವನ್​, ಮನೀಷ್​ ಪೌಲ್​ ಹಾಗೂ ನೀತು ಕಪೂರ್​ಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಈ ವಾರದ ಆರಂಭದಲ್ಲಿ ನನಗೆ ಕೊರೊನಾ ಸೋಂಕು ಇರೋದು ದೃಢಪಟ್ಟಿದೆ. ಕೊರೊನಾ ಸಂಬಂಧಿ ಎಲ್ಲಾ ಸುರಕ್ಷಿತ ಕ್ರಮಗಳನ್ನ ಅನುಸರಿಸಲಾಗುತ್ತಿದೆ. ವೈದ್ಯರ ಸಲಹೆಯಂತೆ ನಾನು ಔಷಧಿಗಳನ್ನ ತೆಗೆದುಕೊಳ್ಳುತ್ತಿದ್ದೇನೆ. ನಿಮ್ಮ ಪ್ರೀತಿ ಹಾಗೂ ಬೆಂಬಲಕ್ಕೆ ಚಿರಋಣಿ. ಮಾಸ್ಕ್​​ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಕಾಳಜಿಯಿಂದಿರಿ ಅಂತಾ ನೀತು ಕಪೂರ್​ ಇನ್ಸ್​ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.

https://www.instagram.com/p/CIm4kGUg5l_/?utm_source=ig_web_copy_link