ದೇಶದಲ್ಲಿ ಕೋವಿಡ್ 19 ಎರಡನೆಯ ಅಲೆ ಜೋರಾಗಿದೆ. ಬಾಲಿವುಡ್ ಸಿನಿ ಲೋಕದಲ್ಲೂ ಕೊರೊನಾ ಸೋಂಕಿಗೆ ಒಳಗಾಗುತ್ತಿರುವವರ ಸಂಖ್ಯೆ ಹೆಚ್ಚಾಗ್ತಿದೆ. ಇದೀಗ ಈ ಸಾಲಿಗೆ ಆರ್. ಮಾಧವನ್ ಕೂಡ ಸೇರಿದ್ದಾರೆ. ಈ ಬಗ್ಗೆ ಆರ್. ಮಾಧವನ್ ಅಧಿಕೃತ ಮಾಹಿತಿ ನೀಡಿದ್ದಾರೆ.
ನಿನ್ನೆಯಷ್ಟೇ ಬಾಲಿವುಡ್ ನಟ ಆಮೀರ್ ಖಾನ್ ಕೊರೊನಾ ಸೋಂಕಿಗೆ ಒಳಗಾಗಿದ್ದರ ಬಗ್ಗೆ ಅವರ ವಕ್ತಾರ ಮಾಹಿತಿ ನೀಡಿದ್ರು. ಹೀಗಾಗಿ 3 ಇಡಿಯಟ್ಸ್ ಸಿನಿಮಾ ಶೈಲಿಯಲ್ಲೇ ಮಾಧವನ್ ತಾವು ಸೋಂಕಿಗೆ ಒಳಗಾಗಿರೋದ್ರ ಬಗ್ಗೆ ಮಾಹಿತಿ ನೀಡಿದ್ದಾರೆ. ಫರ್ಹಾನ್ ಎಂದಿಗೂ ರಾಂಚೋವನ್ನ ಅನುಸರಿಸುತ್ತಾನೆ. ಕೊರೊನಾ ಎಂದಿಗೂ ನಮ್ಮ ಸುತ್ತಲೇ ಇತ್ತು. ಆದರೆ ಈಗ ನಾವು ಈ ವೈರಸ್ ದಾಳಿಯಲ್ಲಿ ಸಿಕ್ಕಿ ಹಾಕಿಕೊಂಡಿದ್ದೇವೆ. ಆದರೆ ಎಲ್ಲವೂ ಒಳ್ಳೆಯದಾಗುತ್ತದೆ. ಶೀಘ್ರದಲ್ಲೇ ಕೊರೊನಾ ವಾಸಿಯಾಗಲಿದೆ. ಆದರೆ ಈ ಸ್ಥಳಕ್ಕೆ ರಾಜು ಬಾರದೇ ಇರಲಿ ಎಂದು ನಾನು ಪ್ರಾರ್ಥಿಸುವೆ. ನಿಮ್ಮೆಲ್ಲರ ಪ್ರೀತಿಗೆ ಧನ್ಯವಾದ ಎಂದು ಬರೆದುಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ಅವರು ಪ್ರಾಂಶುಪಾಲರಿಗೆ ವೈರಸ್ ಎಂದು ಹೆಸರಿಟ್ಟಿದ್ದರು ಅನ್ನೋದನ್ನ ನಾವಿಲ್ಲಿ ನೆನೆಸಿಕೊಳ್ಳಬಹುದಾಗಿದೆ.
ಈಗಾಗಲೇ ರಣಬೀರ್ ಕಪೂರ್, ಕಾರ್ತಿಕ್ ಆರ್ಯನ್, ಮನೋಜ್ ಬಾಜಪೇಯಿ, ಸತೀಶ್ ಕೌಶಿಕ್, ಸಿದ್ಧಾಂತ್ ಚತುರ್ವೇದಿ ಸೇರಿದಂತೆ ಅನೇಕರು ಕೊರೊನಾ ಸೋಂಕಿಗೆ ಒಳಗಾಗಿದ್ದಾರೆ.
Loading ...