ʼಓಂʼ ಇಡೀ ಚಿತ್ರರಂಗದಲ್ಲಿ ದೊಡ್ಡ ಹೆಸರು ಮಾಡಿರುವ ಸಿನಿಮಾ. ಆಗಿನ ಕಾಲದಿಂದ ಇಂದಿನವರೆಗೂ ಅದೇ ಅಸ್ತಿತ್ವ ಉಳಿಸಿಕೊಂಡು ಬಂದ ಸಿನಿಮಾಗಳಲ್ಲಿ ಓಂ ಕೂಡ ಒಂದು.
ಶಿವರಾಜ್ ಕುಮಾರ್ ಹಾಗೂ ಪ್ರೇಮ ನಟನೆಗೆ ಮನಸೋಲದೆ ಇರೋವ್ರು ಇಲ್ಲ. ಉಪೇಂದ್ರ ನಿರ್ದೇಶನವಂತೂ ಅದ್ಭುತ. ಆದರೆ ಈ ಸಿನಿಮಾ ಬಗ್ಗೆ ಅಚ್ಚರಿಯ ಸಂಗತಿಯೊಂದು ಹೊರಬಿದ್ದಿದೆ.
ಹೌದು, ಉಪ್ಪಿ ಕಾಲೇಜು ದಿನಗಳಲ್ಲಿಯೇ ಓಂ ಸಿನಿಮಾದ ಚಿತ್ರಕಥೆ ಬರೆದಿದ್ದರಂತೆ. ಆಗ ಇನ್ನು ಉಪೇಂದ್ರ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟಿರಲಿಲ್ಲ. ಆಗಲೇ ಅವರು ಈ ಸಿನಿಮಾ ಕಥೆ ಬರೆದಿದ್ದರು.
ಆದರೆ, 1989 ರಲ್ಲಿ ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ ಶಿವ ಸಿನಿಮಾ ರಿಲೀಸ್ ಆಗಿತ್ತು. ಆ ಸಿನಿಮಾ ನೋಡಿದ ಉಪ್ಪಿ ಒಮ್ಮೆ ಶಾಕ್ ಆಗಿದ್ದರಂತೆ.
ಏಕೆಂದರೆ ತಾವು ಬರೆದಿದ್ದ ಓಂ ಸಿನಿಮಾ ಕಥೆಗೂ ಶಿವ ಸಿನಿಮಾದಲ್ಲಿನ ಕೆಲವೊಂದು ದೃಶ್ಯಗಳು, ಎಣೆದ ಕಥೆಯಲ್ಲಿ ಸಾಮ್ಯತೆ ಇತ್ತಂತೆ. ಈ ಘಟನೆ ನಿಜಕ್ಕೂ ಅವರಿಗೆ ಒಂದು ಕ್ಷಣ ದಿಕ್ಕೇ ತೋಚದಂತಾಗಿತ್ತಂತೆ. ಆದರೆ ಉಪೇಂದ್ರ ತಮ್ಮ ಬುದ್ದಿವಂತಿಕೆ ಉಪಯೋಗಿಸಿ ಇಡೀ ಕಥೆಯನ್ನು ರಿವರ್ಸ್ ಫಾರ್ಮೆಟ್ ನಲ್ಲಿ ಬರೆದಿದ್ದರಂತೆ.