ಬಾಮೈದನ ಹತ್ಯೆ ಮಾಡಿದ ಭಾವ: ಪರಿಹಾರದ ಹಣಕ್ಕಾಗಿ ನಡೆದ ಜಗಳ ಕೊಲೆಯಲ್ಲಿ ಅಂತ್ಯ

ಬಾಗಲಕೋಟೆ: ಪರಿಹಾರದ ಹಣಕ್ಕಾಗಿ ನಡೆದ ಜಗಳ ಕೊಲೆಯಲ್ಲಿ ಅಂತ್ಯ ಕಂಡಿದೆ ಬಾಮೈದನಿಗೆ ಚಾಕುವಿನಿಂದ ಇರಿದು ಭಾವ ಮತ್ತು ಸಹಚರರು ಹತ್ಯೆ ಮಾಡಿದ ಘಟನೆ ಬಾಗಲಕೋಟೆ ನವನಗರದ 63ನೇ ಸೆಕ್ಟರ್ ನಲ್ಲಿ  ನಡೆದಿದೆ.

24 ವರ್ಷದ ವೀರೇಶ್ ನನ್ನು ಭಾವ ಅವಧೂತ ಮತ್ತು ಆತನ ಸಹಚರರು ಹತ್ಯೆ ಮಾಡಿದ ಆರೋಪ ಕೇಳಿ ಬಂದಿದೆ. ಸ್ಥಳಕ್ಕೆ ನವನಗರ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಆಲಮಟ್ಟಿ ಜಲಾಶಯದ ಮುಳುಗಡೆಯ ಆಸ್ತಿ ಪರಿಹಾರದ ವಿಚಾರಕ್ಕೆ ಸಂಬಂಧಿಸಿದಂತೆ 30 ಲಕ್ಷ ರೂಪಾಯಿ ಪರಿಹಾರಕ್ಕಾಗಿ ಬಾಮೈದ ವೀರೇಶ್ ಮತ್ತು ಅಕ್ಕ ಮಧುಶ್ರೀ, ಭಾವ ಅವಧೂತರ ನಡುವೆ ಗಲಾಟೆಯಾಗಿದ್ದು, ಈ ವೇಳೆ ಭಾವ ಹಾಗೂ ಆತನ ಸಹಚರರು ಬಾಮೈದ ವೀರೇಶ್ ನನ್ನು ಕೊಲೆ ಮಾಡಿದ್ದಾರೆನ್ನಲಾಗಿದೆ.