ಬೆಂಗಳೂರು: ನೀವು ಹೊಸದಾಗಿ ಬ್ಯಾಂಕ್ ಖಾತೆಯನ್ನು ತೆರೆಯಲು ಪ್ಲಾನ್ ಮಾಡಿದ್ದೀರಾ? ಹಾಗಿದ್ದರೆ ಕೇವಲ ಬ್ಯಾಂಕ್ನ ಹೆಸರನ್ನು ನೋಡಿ ಆತುರಪಡಬೇಡಿ. ಇಂದಿನ ಡಿಜಿಟಲ್ ಜಮಾನಾದಲ್ಲಿ ನಿಮ್ಮ ಹಣಕಾಸಿನ ವ್ಯವಹಾರ ಸುಲಭ ಮತ್ತು ಸುರಕ್ಷಿತವಾಗಿರಲು ಬ್ಯಾಂಕ್ ನೀಡುವ ತಾಂತ್ರಿಕ ಸೌಲಭ್ಯಗಳು ಬಹಳ ಮುಖ್ಯ. ಫೆಡರಲ್ ರಿಸರ್ವ್ ಸಮೀಕ್ಷೆಯ ಪ್ರಕಾರ, ಅರ್ಧದಷ್ಟು ಮಂದಿ ಈಗಾಗಲೇ ಸ್ಮಾರ್ಟ್ಫೋನ್ ಮೂಲಕವೇ ಬ್ಯಾಂಕಿಂಗ್ ಮಾಡುತ್ತಿದ್ದಾರೆ.
ನಿಮ್ಮ ಹೊಸ ಖಾತೆಯಲ್ಲಿ ಇರಲೇಬೇಕಾದ 6 ಸೌಲಭ್ಯಗಳು ಇಲ್ಲಿವೆ:
1.ಸ್ಮಾರ್ಟ್ ಡೆಬಿಟ್ ಕಾರ್ಡ್ (Debit Card)
ಖಾತೆ ತೆರೆಯುವಾಗ ಮೊದಲು ಡೆಬಿಟ್ ಕಾರ್ಡ್ ಬಗ್ಗೆ ವಿಚಾರಿಸಿ. ನಗದು ಹಣವನ್ನು ಸದಾ ಜೇಬಿನಲ್ಲಿಟ್ಟುಕೊಂಡು ತಿರುಗುವ ಕಿರಿಕಿರಿ ಇದು ತಪ್ಪಿಸುತ್ತದೆ. ಶೇ. 30ರಷ್ಟು ಗ್ರಾಹಕರು ಪಾವತಿಗಾಗಿ ಈಗ ಡೆಬಿಟ್ ಕಾರ್ಡ್ ಅನ್ನೇ ಮೊದಲ ಆಯ್ಕೆಯನ್ನಾಗಿ ಮಾಡಿಕೊಂಡಿದ್ದಾರೆ. ಕಾರ್ಡ್ಗೆ ವಾರ್ಷಿಕ ಶುಲ್ಕ ಎಷ್ಟಿದೆ ಎಂಬುದನ್ನು ಮರೆಯದೇ ಕೇಳಿ ತಿಳಿಯಿರಿ.
2.ಆನ್ಲೈನ್ ಮತ್ತು ಮೊಬೈಲ್ ಬ್ಯಾಂಕಿಂಗ್
ನಿಮ್ಮ ಸ್ಮಾರ್ಟ್ಫೋನ್ ಅಥವಾ ಲ್ಯಾಪ್ಟಾಪ್ ಮೂಲಕವೇ ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡುವುದು ಇಂದಿನ ಅನಿವಾರ್ಯತೆ. ಇದರಿಂದ ನಿಮ್ಮ ಖಾತೆಯಲ್ಲಿ ಎಷ್ಟು ಹಣವಿದೆ ಎಂದು ಆಗಾಗ ತಿಳಿಯುವುದರಿಂದ, ಅನಗತ್ಯ ದಂಡಗಳನ್ನು (Overdraft Fees) ಪಾವತಿಸುವುದನ್ನು ಸುಲಭವಾಗಿ ತಪ್ಪಿಸಬಹುದು.
3.ಮೊಬೈಲ್ ಚೆಕ್ ಡೆಪಾಸಿಟ್
ಚೆಕ್ ಜಮಾ ಮಾಡಲು ಪ್ರತಿ ಬಾರಿ ಬ್ಯಾಂಕ್ಗೆ ಅಲೆಯುವ ಕಾಲ ಈಗ ಮುಗಿದಿದೆ. ನಿಮ್ಮ ಮೊಬೈಲ್ನಲ್ಲಿ ಚೆಕ್ನ ಫೋಟೋ ತೆಗೆದು ಆಪ್ ಮೂಲಕ ಅಪ್ಲೋಡ್ ಮಾಡಿ ಹಣವನ್ನು ಖಾತೆಗೆ ಜಮಾ ಮಾಡುವ ಸೌಲಭ್ಯ ಬ್ಯಾಂಕ್ ನೀಡುತ್ತಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.
4.ಇನ್-ಸ್ಟಂಟ್ ಬಿಲ್ ಪಾವತಿ (Online Bill Pay)
ಚೆಕ್ ಬರೆಯುವ ಮತ್ತು ಪೋಸ್ಟ್ ಮಾಡುವ ಹಳೆಯ ಪದ್ಧತಿಗೆ ಬೈ-ಬೈ ಹೇಳಿ. ಮೊಬೈಲ್ ಮೂಲಕವೇ ವಿದ್ಯುತ್ ಬಿಲ್, ಬಾಡಿಗೆ ಮುಂತಾದವುಗಳನ್ನು ಪಾವತಿಸಬಹುದು. ಇದನ್ನು ಆಟೋಮ್ಯಾಟಿಕ್ ಪೇಮೆಂಟ್ ಸೆಟ್ ಮಾಡಿದರೆ, ಪಾವತಿ ತಡವಾಗಿ ದಂಡ ಬೀಳುವ ಭಯ ಇರುವುದಿಲ್ಲ.
5.ಇಮೇಲ್ ಮತ್ತು ಎಸ್ಎಮ್ಎಸ್ ಅಲರ್ಟ್ಗಳು
ನಿಮ್ಮ ಖಾತೆಯಿಂದ ಹಣ ಡ್ರಾ ಆದಾಗ ಅಥವಾ ಜಮಾ ಆದಾಗ ತಕ್ಷಣ ಸಂದೇಶ (Alert) ಬರುವಂತೆ ಸೆಟ್ ಮಾಡಿಕೊಳ್ಳಿ. ಇದು ನಿಮ್ಮ ಖಾತೆಯ ಸುರಕ್ಷತೆಗೆ ಬಹಳ ಮುಖ್ಯ. ಯಾರಾದರೂ ನಿಮ್ಮ ಅರಿವಿಲ್ಲದೆ ಹಣ ವರ್ಗಾವಣೆ ಮಾಡಿದರೆ ತಕ್ಷಣ ನಿಮಗೆ ಮಾಹಿತಿ ಸಿಗುತ್ತದೆ.
6.ಹೈ-ಟೆಕ್ ಭದ್ರತೆ (Excellent Security)
ಸೈಬರ್ ವಂಚನೆಗಳು ಹೆಚ್ಚುತ್ತಿರುವ ಈ ಕಾಲದಲ್ಲಿ ಬ್ಯಾಂಕಿನ ಭದ್ರತಾ ಕ್ರಮಗಳ ಬಗ್ಗೆ ನಿರ್ಲಕ್ಷ್ಯ ಬೇಡ. ನಿಮ್ಮ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಅನ್ನು ಮೊಬೈಲ್ ಆಪ್ ಮೂಲಕವೇ ಒಂದು ಕ್ಲಿಕ್ನಲ್ಲಿ ‘ಆನ್/ಆಫ್’ ಮಾಡುವ ಸೌಲಭ್ಯವಿದೆಯೇ ಎಂದು ಕೇಳಿ ತಿಳಿಯಿರಿ. ಇದು ಕಳ್ಳತನ ಅಥವಾ ವಂಚನೆ ತಡೆಯಲು ರಾಮಬಾಣ.
