ನವದೆಹಲಿ: ವಿದ್ಯುತ್ ಚಾಲಿತ ವಾಹನಗಳಿಗೆ ಆಧಾರ್ ಮಾದರಿಯ ವಿಶಿಷ್ಟ ಗುರುತಿನ ಸಂಖ್ಯೆ ನೀಡುವ ಯೋಜನೆಯನ್ನು ಕೇಂದ್ರ ಸರ್ಕಾರ ರೂಪಿಸಿದೆ.
ವಿದ್ಯುತ್ ವಾಹನ(ಎಲೆಕ್ಟ್ರಿಕ್ ವೆಹಿಕಲ್) ಬ್ಯಾಟರಿಗಳನ್ನು ಪತ್ತೆ ಹಚ್ಚುವುದಕ್ಕೆ ಮತ್ತು ಪರಿಣಾಮಕಾರಿ ಮರು ಸಂಸ್ಕರಣೆ ಮಾಡಲು ಅನುಕೂಲವಾಗುವಂತೆ ಆಧಾರ್ ರೀತಿಯ ವಿಶಿಷ್ಟ ಗುರುತಿನ ಸಂಖ್ಯೆ ನೀಡುವ ಪ್ರಸ್ತಾವನೆಯನ್ನು ಸಾರಿಗೆ ಸಚಿವಾಲಯ ಸಿದ್ಧಪಡಿಸಿದೆ.
ಬ್ಯಾಟರಿ ಉತ್ಪಾದಕರು ಅಥವಾ ಆಮದುದಾರರು ಬ್ಯಾಟರಿಗಳಿಗೆ 21 ಅಂಕೆಗಳ ಬ್ಯಾಟರಿ ಪ್ಯಾಕ್ ಆಧಾರ್ ಸಂಖ್ಯೆಯನ್ನು(ಬಿಪಿಎಎನ್) ನೀಡುವುದು ಕಡ್ಡಾಯವಾಗಿರುತ್ತದೆ. ಇದರಿಂದ ಬ್ಯಾಟರಿಗಳ ಮರುಬಳಕೆ, ಪತ್ತೆ ಸುಲಭವಾಗಲಿದೆ. ಸಂಖ್ಯೆಯನ್ನು ಅಳಿಸಲು ಆಗದ ಜಾಗದಲ್ಲಿ ದಾಖಲಿಸಬೇಕು. ಯಾವುದೇ ರೀತಿಯಲ್ಲೂ ಕೆಡಿಸಲು ಆಗದ ರೀತಿ ಇರಬೇಕು ಎಂದು ಸಚಿವಾಲಯ ಸೂಚನೆ ನೀಡಿದೆ.
ಬ್ಯಾಟರಿ ಉತ್ಪಾದಕರು ಅಥವಾ ಆಮದುದಾರರು ಮಾರುಕಟ್ಟೆಗೆ ತರುವ ಪ್ರತಿಯೊಂದು ಬ್ಯಾಟರಿಗೆ 21 ಅಂಕಿಗಳ ಬ್ಯಾಟರಿ ಪ್ಯಾಕ್ ಆಧಾರ್ ಸಂಖ್ಯೆ(ಬಿ ಪ್ಯಾನ್) ನೀಡುವುದು ಕಡ್ಡಾಯ ಎಂದು ಸಾರಿಗೆ ಇಲಾಖೆ ಕರಡು ಮಾರ್ಗಸೂಚಿಯಲ್ಲಿ ತಿಳಿಸಲಾಗಿದೆ.
