ಸಾಮಾಜಿಕ ಜಾಲತಾಣವು ಬೆರಗುಗೊಳಿಸುವ ಚಿತ್ರಗಳು ಮತ್ತು ವೀಡಿಯೊಗಳ ಕೇಂದ್ರವಾಗಿದೆ. ಅಂಥದ್ದೇ ಒಂದು ವಿಡಿಯೋ ಇದೀಗ ವೈರಲ್ ಆಗಿದೆ. ಇದು ಜಪಾನ್‌ನ ಬೀಚ್ ವಿಡಿಯೋ. ಈ ಬೀಚ್ನ ಒಂದು ವಿಶೇಷವೆಂದರೆ ಹಿಮ, ಮರಳು ಮತ್ತು ಸಮುದ್ರವು ಒಂದೇ ಸ್ಥಳದಲ್ಲಿ ಪರಸ್ಪರ ಭೇಟಿಯಾಗುತ್ತವೆ.
ರೆಡ್ಡಿಟ್ ಬಳಕೆದಾರರು ಈ ವಿಹಂಗಮ ನೋಟವನ್ನು ಶೇರ್ ಮಾಡಿದ್ದಾರೆ. ಚಿತ್ರವನ್ನು ಛಾಯಾಗ್ರಾಹಕ ಹಿಸಾ ಅವರು ಸ್ಯಾನ್ ಕೈಗನ್ ಜಿಯೋಪಾರ್ಕ್‌ನಲ್ಲಿ ಜಪಾನ್‌ನ ಪಶ್ಚಿಮ ಕರಾವಳಿಯಲ್ಲಿ ತೆಗೆದಿರುವುದಾಗಿ ಹೇಳಲಾಗಿದೆ. “ಸಾಗರದ ತೀರದ ಉದ್ದಕ್ಕೂ ಒಂದು ನಡಿಗೆ,” ಎಂದು ಅವರು ಶೀರ್ಷಿಕೆ ಕೊಟ್ಟಿದ್ದಾರೆ.
ಈ ವಿಡಿಯೋ ನೋಡಿದರೆ ನಿಜವಾಗಿಯೂ ಭೂಮಿಯ ಮೇಲೆ ಇಂಥದ್ದೊಂದು ಚಿತ್ರಣ ಇದೆಯೇ ಎಂದು ಎನಿಸುತ್ತದೆ. ಇದು ಕನಸೋ, ನನಸೋ ಎಂದು ಅಚ್ಚರಿಯಾಗುವುದು ಖಂಡಿತ. ಈ ವಿಡಿಯೋಗೆ ನೆಟ್ಟಿಗರು ಮನಸೋತಿದ್ದಾರೆ. ಜೀವನದಲ್ಲಿ ಒಮ್ಮೆ ಈ ಸ್ಥಳ ನೋಡಬೇಕು ಎಂದು ಹಲವರು ಅನಿಸಿಕೆ ಹಂಚಿಕೊಂಡಿದ್ದಾರೆ.
Loading ...