ಕೋಲ್ಕತಾ: ಕೆಲವರಿಗೆ ನೃತ್ಯದಲ್ಲಿ ಅದೆಷ್ಟು ಆಸಕ್ತಿ ಇರುತ್ತದೆ ಎಂದರೆ ಎಲ್ಲಿಯೇ ಹಾಡು ಹಾಕಿದರೂ ಸಾಕು, ನಿಂತಲ್ಲೇ, ಕುಳಿತಲ್ಲೇ, ರಸ್ತೆ ಎನ್ನುವುದನ್ನೂ ನೋಡದೆ ನರ್ತಿಸಲು ಶುರು ಮಾಡುತ್ತಾರೆ. ಅಂಥದ್ದೇ ಒಂದು ವಿಡಿಯೋ ಇದೀಗ ವೈರಲ್ ಆಗಿದೆ.
ಕೋಲ್ಕತಾದ ಮಹಿಳೆಯೊಬ್ಬರು ಯಾದ್ ಆ ರಹಾ ಹೈ ಹಾಡಿಗೆ ಮನಸೋ ಇಚ್ಛೆ ಡಾನ್ಸ್ ಮಾಡಿರುವ ವಿಡಿಯೋ ಇದಾಗಿದೆ. ನಗರದ ಪೂಜಾ ಮಂಟಪದ ಹೊರಗೆ ಹೋಗುತ್ತಿದ್ದ ವೇಳೆ ಅಲ್ಲಿ ಹಾಡು ಕೇಳಿ ರಸ್ತೆಯ ಮೇಲೆಯೇ ನರ್ತಿಸತೊಡಗಿದರು. ಅದನ್ನು ನೋಡುಗರೊಬ್ಬರು ವಿಡಿಯೋ ಮಾಡಿ ಶೇರ್ ಮಾಡಿದ್ದಾರೆ.
ತಾನಿಯಾ ಮೈತ್ರಾ ಎಂಬುವವರು ವಿಡಿಯೋ ಶೇರ್ ಮಾಡಿದ್ದು, ತಮಗೆ ಈ ಮಹಿಳೆಯ ಉತ್ಸಾಹ ನೋಡಿ ತುಂಬಾ ಖುಷಿಯಾಯಿತು ಎಂದು ಬರೆದುಕೊಂಡಿದ್ದಾರೆ. ಬಾಲಿವುಡ್ನ ಖ್ಯಾತ ನಟ ಮಿಥುನ್ ಚಕ್ರವರ್ತಿ ಅವರ ಹಾಡಿಗೆ ಮಹಿಳೆಯೊಬ್ಬರು ನರ್ತಿಸಿದ್ದು ನಿಮ್ಮ ಹೃದಯವನ್ನೂ ಗೆಲ್ಲುತ್ತದೆ ಎಂದು ಅವರು ಹೇಳಿದ್ದಾರೆ.
ಜನರು ಈಕೆಯನ್ನು ನೋಡುತ್ತಾ, ನಗುತ್ತಾ ಸಾಗಿದ್ದರೂ ಅದ್ಯಾವುದಕ್ಕೂ ಕೇರೇ ಮಾಡದೇ ಮಹಿಳೆ ನರ್ತಿಸುತ್ತಿರುವುದು ವಿಡಿಯೋದಲ್ಲಿ ಕಾಣಬಹುದು.
Loading ...