ʼನೆಪ್ಚೂನ್ʼ​ ಸುತ್ತ ಉಂಗುರ ದರ್ಶನ; 33 ವರ್ಷಗಳ ನಂತರ ಅಪರೂಪದ ಚಿತ್ರ ಸೆರೆ

ಭವ್ಯವಾದ ನೆಪ್ಚೂನ್​ ಗ್ರಹ ಉಂಗುರ ಹೊಂದಿದೆ. ನಾಸಾ ಕೂಡ ನೆಪ್ಚೂನ್​ ಫೋಟೋಶೂಟ್​ ಮಾಡಿತ್ತು. ಅದು ಇತ್ತೀಚೆಗೆ ತನ್ನ ಅಧಿಕೃತ ಇನ್​ಸ್ಟಾ ಹ್ಯಾಂಡಲ್​ನಲ್ಲಿ ಜೇಮ್ಸ್​ ವೆಬ್​ ಬಾಹ್ಯಾಕಾಶ ದೂರದರ್ಶಕದಿಂದ ಸೆರೆಹಿಡಿಯಲಾದ ನೆಪ್ಚೂನ್​ ಮತ್ತು ಅದರ ಉಂಗುರಗಳ ಮೊದಲ ಚಿತ್ರವನ್ನು ಹಂಚಿಕೊಂಡಿದೆ.

ಇದು 30 ವರ್ಷಗಳಲ್ಲಿ ಅಪರೂಪವಾದ ಗ್ರಹದ ಉಂಗುರಗಳ ಸ್ಪಷ್ಟ ನೋಟ ಮಾತ್ರವಲ್ಲ, ಅದರ ದೈತ್ಯತ್ವವನ್ನು ಬಹಿರಂಗಪಡಿಸಿದೆ.

ಮಸುಕಾದ ಧೂಳಿನ ಉಂಗುರಗಳನ್ನು ನಾವು ಕೊನೆಯ ಬಾರಿಗೆ ನೋಡಿದಾಗಿನಿಂದ ಮೂರು ದಶಕ ಕಳೆದಿವೆ. ನಾವು ಅವುಗಳನ್ನು ಅತಿಗೆಂಪು ಬಣ್ಣದಲ್ಲಿ ನೋಡಿರುವುದು ಇದೇ ಮೊದಲು. ಹಲವಾರು ಪ್ರಕಾಶಮಾನವಾದ, ಕಿರಿದಾದ ಉಂಗುರಗಳ ಜೊತೆಗೆ, ಚಿತ್ರವು ನೆಪ್ಚೂನ್‌ನ ಮಸುಕಾದ ಧೂಳಿನ ಪಟ್ಟಿಯನ್ನು ಸ್ಪಷ್ಟವಾಗಿ ಎತ್ತಿ ತೋರಿಸುತ್ತದೆ ಎಂದು ನೆಪ್ಚೂನ್​ ಸಿಸ್ಟಮ್​ ತಜ್ಞ ಮತ್ತು ವಿಜ್ಞಾನಿ ಹೆೈಡಿ ಹ್ಯಾಮೆಲ್​ ನಾಸಾದ ಬ್ಲಾಗ್​ನಲ್ಲಿ ಬರೆದಿದ್ದಾರೆ.

1846 ರಲ್ಲಿ ಆವಿಷ್ಕಾರವಾದಾಗಿನಿಂದ ನೆಪ್ಚೂನ್​ ಸಂಶೋಧಕರನ್ನು ಸಾಕಷ್ಟು ಆಕರ್ಷಿಸಿದೆ, ಇದು ಭೂಮಿಗಿಂತ ಸೂರ್ಯನಿಂದ 30 ಪಟ್ಟು ದೂರದಲ್ಲಿದೆ. ಅಲ್ಲದೆ, ಅದರ ಕಕ್ಷೆಗಳು ಹೊರಗಿನ ಸೌರವ್ಯೂಹದ ದೂರದ ಡಾರ್ಕ್​ ಪ್ರದೇಶದಲ್ಲಿವೆ. ಆ ದೂರದಲ್ಲಿ, ಸೂರ್ಯನು ತುಂಬಾ ಚಿಕ್ಕದಾಗಿದೆ ಮತ್ತು ಮಸುಕಾಗಿ ಕಾಣಿಸುತ್ತಾನೆ. ನೆಪ್ಚೂನ್​ನಲ್ಲಿ ಮಧ್ಯಾಹ್ನವು ಭೂಮಿಯ ಮೇಲಿನ ಮಂದ ಮುಸ್ಸಂಜೆ ಬೆಳಕು ಇರಲಿದೆ.

ಈ ಗ್ರಹವು ಅದರ ಒಳಭಾಗದ ರಾಸಾಯನಿಕ ಸಂಯೋಜನೆಯಿಂದಾಗಿ ಐಸ್​ ಇದೆ ಎಂದು ಪರಿಗಣಿಸಲಾಗಿದೆ. ಇದು ಮಾತ್ರವಲ್ಲದೆ ನೆಪ್ಚೂನ್​ ಹೈಡ್ರೋಜನ್​ ಮತ್ತು ಹೀಲಿಯಂಗಿಂತ ಹೆಚ್ಚು ಭಾರವಾದ ಅಂಶಗಳಿಂದ ಸಮೃದ್ಧವಾಗಿದೆ.

ಡಿಸೆಂಬರ್​ 2021 ರಲ್ಲಿ ನಾಸಾದಿಂದ ಉಡಾವಣೆಯಾದ ಜೇಮ್ಸ್​ ವೆಬ್​ ಬಾಹ್ಯಾಕಾಶ ದೂರದರ್ಶಕ (ಜೆಡಬ್ಲ್ಯೂಎಸ್​ಟಿ) ಮಂಗಳದ ಮೊದಲ ಚಿತ್ರವನ್ನು ಸೆರೆಹಿಡಿದ ಒಂದು ದಿನದ ನಂತರ ಇದು ಬಂದಿದೆ.