ಕೊನೆಗೂ ಭಾರತೀಯ ಗೆಳೆಯನ ಭೇಟಿ ಮಾಡಿದ ಟೆಸ್ಲಾ ಸಿಇಒ

ಟ್ವಿಟರ್​ನಲ್ಲಿ ಸಕ್ರಿಯರಾಗಿದ್ದರೆ, ಅದರಲ್ಲೂ ಟೆಸ್ಲಾ ಸಿಇಒ ಎಲೋನ್​ ಮಸ್ಕ್​ ಅವರನ್ನು ಫಾಲೋ ಮಾಡುತ್ತಿದ್ದರೆ, ಅವರು ಭಾರತದ ಟ್ವಿಟರ್​ ಗೆಳೆಯನನ್ನು ಹೊಂದಿದ್ದಾರೆಂದು ಬಹುಶಃ ಗಮನಿಸಿರಬಹುದು.

ಆಗೊಮ್ಮೆ ಈಗೊಮ್ಮೆ ಪುಣೆ ಮೂಲದ ಟೆಕ್ಕಿ ಪ್ರಣಯ್​ ಪಾಥೋಲ್​ ಅವರ ಖಾತೆಯ ಟ್ಯಾಗ್​ ಅನ್ನು ಮಸ್ಕ್​ ಉಲ್ಲೇಖಿಸುತ್ತಾರೆ. ಇಬ್ಬರೂ ಸಾಕಷ್ಟು ಒಳ್ಳೆಯ ಸ್ನೇಹಿತರು ಎಂಬುದು ಚರ್ಚೆಯಲ್ಲಿರುವ ವಿಚಾರ.

ಈಗ, ಪ್ರಣಯ್​ ಪಾಥೋಲ್​ ಅವರು ಟೆಕ್ಸಾಸ್​ನಲ್ಲಿ ಮಸ್ಕ್​ ಅವರನ್ನು ಭೇಟಿ ಮಾಡಿದ್ದು, ಫೋಟೋ ಶೇರ್​ ಮಾಡಿದ್ದಾರೆ. ಇದು ದೇಸೀ ನೆಟ್ಟಿಗರಲ್ಲಿ ಮೆಚ್ಚುಗೆ ಹುಟ್ಟಿಸಿದೆ.

ಪ್ರಣರ್​ ಪಾಥೋಲ್​ ಅವರು ಗಿಗಾಫ್ಯಾಕ್ಟರಿ ಟೆಕ್ಸಾಸ್​ನಲ್ಲಿ ಕ್ಲಿಕ್​ ಮಾಡಿದ ಫೋಟೋವನ್ನು ಟ್ವೀಟ್​ ಮಾಡಿದ್ದಾರೆ. ತಾವು ತುಂಬಾ ಮೆಚ್ಚಿದ ವ್ಯಕ್ತಿಯನ್ನು ಭೇಟಿಯಾದ ಸಂತೋಷ ಅವರ ಮುಖದಲ್ಲಿ ಸ್ಪಷ್ಟವಾಗಿ ಕಾಣಿಸುತ್ತಿತ್ತು.

ಗಿಗಾಫ್ಯಾಕ್ಟರಿ ಟೆಕ್ಸಾಸ್​ನಲ್ಲಿ ನಿಮ್ಮನ್ನು ಭೇಟಿ ಮಾಡಿದ್ದು ತುಂಬಾ ಚೆನ್ನಾಗಿತ್ತು. ಅಂತಹ ವಿನಮ್ರ ವ್ಯಕ್ತಿಯನ್ನು ನೋಡಿಲ್ಲ. ನೀವು ಲಕ್ಷಾಂತರ ಜನರಿಗೆ ಸ್ಫೂತಿರ್ಯಾಗಿದ್ದೀರಿ ಎಂದು ಪಾಥೋಲ್​ ಶೀರ್ಷಿಕೆಯಲ್ಲಿ ಬರೆದಿದ್ದಾರೆ. ಪೋಸ್ಟ್​ಗೆ ಸಾವಿರಾರು ಲೈಕ್​ ಕಾಮೆಂಟ್​ ಬಂದಿದೆ.

https://twitter.com/PPathole/status/1561591196178419712?ref_src=twsrc%5Etfw%7Ctwcamp%5Etweetembed%7Ctwterm%5E1561591196178419712%7Ctwgr%5Ec56ad3b42f908e735b294de6fa63b0f5dbb6562a%7Ctwcon%5Es1_&ref_url=https%3A%2F%2Fwww.indiatoday.in%2Ftrending-news%2Fstory%2Felon-musk-finally-meets-his-online-friend-from-india-in-texas-desi-twitter-reacts-1991241-2022-08-22