ರೈಲಿಗೆ ಸಿಲುಕಿ 30ಕ್ಕೂ ಹೆಚ್ಚು ಕುರಿಗಳ ಸಾವು

ರೈಲಿಗೆ ಸಿಲುಕಿ 30ಕ್ಕೂ ಹೆಚ್ಚು ಕುರಿಗಳು ಸಾವನ್ನಪ್ಪಿರುವ ಘಟನೆ ಶಿವಮೊಗ್ಗ ಜಿಲ್ಲೆಯ ಭದ್ರಾವತಿ ನಗರದ ಉಂಬ್ಳೆಬೈಲು ರಸ್ತೆ ಅಂಡರ್ ಬ್ರಿಡ್ಜ್ ಬಳಿ ನಡೆದಿದೆ.

ಸೋಮವಾರ ಸಂಜೆ ಈ ಘಟನೆ ನಡೆದಿದ್ದು, ಕುರಿಗಾಹಿಗಳು ಉಂಬ್ಳೆಬೈಲು ರಸ್ತೆಯಲ್ಲಿ ಕುರಿಗಳನ್ನು ಹೊಡೆದುಕೊಂಡು ಬರುತ್ತಿದ್ದಾಗ ಟ್ರಾಫಿಕ್ನಿಂದ ಗಾಬರಿಗೊಂಡ ಕುರಿಗಳು ಏಕಾಏಕಿ ರೈಲ್ವೆ ಹಳಿಗೆ ನುಗ್ಗಿವೆ.

ಇದೇ ಸಂದರ್ಭದಲ್ಲಿ ತಾಳಗುಪ್ಪ – ಮೈಸೂರು ಮಾರ್ಗದ ರೈಲು ಬರುತ್ತಿದ್ದು, ಇದಕ್ಕೆ ಸಿಲುಕಿ ಕುರಿಗಳು ಸಾವನ್ನಪ್ಪಿವೆ. ಕೆಲ ಹೊತ್ತಲ್ಲೇ ಇವುಗಳನ್ನು ರೈಲು ಹಳಿಗಳ ಮೇಲಿಂದ ತೆರವುಗೊಳಿಸಲಾಗಿದೆ.