ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ಸ್ ತನ್ನ ಇನ್ಸ್ಟಾಗ್ರಾಂ ಪುಟದಲ್ಲಿ ಮನಸೆಳೆಯುವ ವಿಡಿಯೋಗಳನ್ನು ಪೋಸ್ಟ್ ಮಾಡುತ್ತಿರುತ್ತದೆ. ಸಾಧಕರು ನಿರ್ಭಯವಾಗಿ ತಮ್ಮ ಮಿತಿಗಳನ್ನು ಮೀರುವ ಈ ಹಲವು ವಿಡಿಯೋಗಳನ್ನು ವೀಕ್ಷಿಸಲು ಸ್ಪೂರ್ತಿದಾಯಕವಾಗಿದೆ.
ಇದೀಗ ಅಂತಹ ಒಂದು ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ವ್ಯಕ್ತಿಯೊಬ್ಬರು ಎರಡು ಏರ್ ಬಲೂನ್‌ಗಳ ನಡುವೆ ಕಟ್ಟಲಾದ ಹಗ್ಗದ ಮೇಲೆ ಬರಿಗಾಲಿನಲ್ಲಿ ನಡೆದು ವಿಶ್ವದಾಖಲೆ ನಿರ್ಮಿಸಿದ್ದಾರೆ.
ರಾಫೆಲ್ ಜುಗ್ನೋ ಬ್ರಿಡಿ ಎಂಬುವವರು, 1,901 ಮೀಟರ್ ಅಂದರೆ ಸುಮಾರು 6,236 ಅಡಿಗಳಷ್ಟು ಎತ್ತರದಲ್ಲಿ ಈ ದಾಖಲೆ ಮಾಡಿದ್ದಾರೆ. ರಾಫೆಲ್ ಒಂದು ಏರ್ ಬಲೂನ್‌ನಿಂದ ಇನ್ನೊಂದಕ್ಕೆ ತಲುಪಲು ಹಗ್ಗದ ಮೇಲೆ ಎಚ್ಚರಿಕೆಯಿಂದ ಹೆಜ್ಜೆ ಹಾಕುತ್ತಾ ಈ ಸಾಧನೆ ಮಾಡಿದ್ದಾರೆ. ಸದ್ಯ, ಈ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರ ಮೈ ಜುಮ್ಮೆಂದಿದೆ.
Loading ...