ಬಾಲಿವುಡ್ ನಟ ಹೃತಿಕ್ ರೋಷನ್ ಸಬಾ ಆಜಾದ್ ಜೊತೆಯಲ್ಲಿ ಡೇಟಿಂಗ್ ಮಾಡುತ್ತಿದ್ದಾರಾ..? ಎಂಬ ಪ್ರಶ್ನೆ ಬಿ ಟೌನ್ನಲ್ಲಿ ಹರಿದಾಡುತ್ತಿದೆ. ಈ ಮೊದಲು ಮುಂಬೈನ ರೆಸ್ಟಾರೆಂಟ್ನಲ್ಲಿ ಈ ಜೋಡಿ ಒಟ್ಟಿಗೆ ಕಾಣಿಸಿಕೊಂಡಿತ್ತು. ಅಂದಿನಿಂದ ಇವರಿಬ್ಬರೂ ಎಲ್ಲೆಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೋ ಆ ಎಲ್ಲ ಬಾರಿ ಅಭಿಮಾನಿಗಳಿಗೆ ಇವರಿಬ್ಬರ ನಡುವೆ ಪ್ರೀತಿ ಪ್ರೇಮ ನಡೆಯುತ್ತಿದೆ ಎಂಬ ಗುಮಾನಿ ಮತ್ತಷ್ಟು ಧೃಡಗೊಳ್ಳುತ್ತಿದೆ.
ಹೃತಿಕ್ ರೋಷನ್ ಮುಂಬೈ ವಿಮಾನ ನಿಲ್ದಾಣದಲ್ಲಿ ಸಾಬಾ ಆಜಾದ್ರೊಂದಿಗೆ ಕೈ ಕೈ ಹಿಡಿದುಕೊಂಡು ಓಡಾಡಿದ ದೃಶ್ಯಗಳು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
ಹೃತಿಕ್ ರೋಷನ್ ಹಾಗೂ ಸಬಾ ಆಜಾದ್ ಕಾಮನ್ ಫ್ರೆಂಡ್ನ ಮೂಲಕ ಒಬ್ಬರೊನ್ನಬ್ಬರು ಭೇಟಿಯಾದರು. ಈ ಭೇಟಿಯ ಬಳಿಕ ಇವರಿಬ್ಬರು ಸಂಪರ್ಕದಲ್ಲಿದ್ದಾರೆ ಎನ್ನಲಾಗಿದೆ. ಅಲ್ಲದೇ ಇತ್ತೀಚಿಗೆ ಇವರಿಬ್ಬರು ಮುಂಬೈನ ರೆಸ್ಟಾರೆಂಟ್ವೊಂದರಲ್ಲಿ ಒಟ್ಟಾಗಿ ಭೋಜನಕೂಟವನ್ನು ಮಾಡಿದ್ದರು. ಈ ವೇಳೆಯಲ್ಲಿಯೂ ಅವರು ಕ್ಯಾಮರಾ ಕಣ್ಣಿಗೆ ಸೆರೆಯಾಗಿದ್ದರು.
Loading ...