ಕೋಟ್ಯಾಧಿಪತಿ ಉದ್ಯಮಿ ಮುಕೇಶ್ ಅಂಬಾನಿ ಮೊಮ್ಮಗ ಪೃಥ್ವಿ ಇಂದು ಮುಂಬೈನ ನರ್ಸರಿ ಶಾಲೆಗೆ ತೆರಳಿದ್ದು ತಾಯಿ ಶ್ಲೋಕಾ ಅಂಬಾನಿ ಜೊತೆಯಲ್ಲಿ ಕ್ಯಾಮರಾ ಕಣ್ಣಿಗೆ ಬಿದ್ದಿದ್ದಾನೆ. 2020ರ ಡಿಸೆಂಬರ್ನಲ್ಲಿ ಮುಕೇಶ್ ಅಂಬಾನಿ ಹಿರಿಯ ಪುತ್ರ ಆಕಾಶ್ ಅಂಬಾನಿ ಹಾಗೂ ಶ್ಲೋಕಾ ಅಂಬಾನಿ ದಂಪತಿಗೆ ಜನಿಸಿದ ಪೃಥ್ವಿ ಇಂದು ನರ್ಸರಿ ಶಾಲೆಗೆ ದಾಖಲಾತಿ ಪಡೆದಿದ್ದಾರೆ.
ಪೃಥ್ವಿ ಅಂಬಾನಿಯ ನರ್ಸರಿ ಶಾಲೆಯ ಮೊದಲ ದಿನದ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಪೃಥ್ವಿ ತನ್ನ ತಾಯಿಯನ್ನು ಬಿಗಿದಪ್ಪಿಕೊಂಡಿರುವುದನ್ನು ಫೋಟೊಗಳಲ್ಲಿ ಕಾಣಬಹುದಾಗಿದೆ. ಮತ್ತೊಂದು ಫೋಟೋದಲ್ಲಿ ಪೃಥ್ವಿ ತನ್ನ ಪ್ಲೇ ಸ್ಕೂಲ್ನಲ್ಲಿ ಇರುವುದನ್ನು ಕಾಣಬಹುದಾಗಿದೆ.
ಶ್ಲೋಕಾ ತನ್ನ ಪುತ್ರ ಪೃಥ್ವಿಯನ್ನು ಮುಂಬೈನ ಮಲಬಾರ್ ಹಿಲ್ನಲ್ಲಿರುವ ಸನ್ ಫ್ಲವರ್ ಶಾಲೆಯಿಂದ ಕರೆದುಕೊಂಡು ಬಂದಿದ್ದಾರೆ. ಅಂದ ಹಾಗೆ ಶ್ಲೋಕಾ ಹಾಗೂ ಆಕಾಶ್ ಕೂಡ ಇದೇ ಶಾಲೆಯ ಹಳೆಯ ವಿದ್ಯಾರ್ಥಿಗಳು ಎನ್ನಲಾಗಿದೆ.
Loading ...