ಉಕ್ರೇನ್ನಲ್ಲಿ ರಷ್ಯಾದ ಮಿಲಿಟರಿ ಕಾರ್ಯಾಚರಣೆಗಳ ನಡೆಯುತ್ತಿರುವ ಬೆನ್ನಲ್ಲೇ ಹಣ ಗಳಿಸಲು ಮುಂದಾಗಿರುವ ರಷ್ಯಾದ ಮಾಧ್ಯಮಗಳಿಗೆ ಫೇಸ್ಬುಕ್ ಮೂಗುದಾರವನ್ನು ಹಾಕಿದೆ. ಫೇಸ್ಬುಕ್ನ ವೇದಿಕೆಯಲ್ಲಿ ಜಾಹೀರಾತುಗಳನ್ನು ಪ್ರಕಟಿಸುವುದು ಅಥವಾ ಹಣ ಗಳಿಸುವುದನ್ನು ನಿಷೇಧಿಸಲಾಗಿದೆ ಎಂದು ಸಾಮಾಜಿಕ ನೆಟ್ವರ್ಕ್ನ ಭದ್ರತಾ ನೀತಿಯ ಮುಖ್ಯಸ್ಥ ನಥಾನಿಯಲ್ ಗ್ಲೀಚರ್ ಹೇಳಿದ್ದಾರೆ.
ನಾವು ಈಗ ರಷ್ಯಾದ ರಾಜ್ಯ ಮಾಧ್ಯಮಗಳಿಗೆ ಪ್ರಪಚದಾದ್ಯಂತ ನಮ್ಮ ಸಾಮಾಜಿಕ ಜಾಲತಾಣದ ವೇದಿಕೆಗಳಲ್ಲಿ ಜಾಹೀರಾತುಗಳನ್ನು ಪ್ರಕಟಿಸುವುದು ಹಣ ಗಳಿಸುವುದಕ್ಕೆ ನಿಷೇಧ ಹೇರಿದ್ದೇವೆ. ಹೆಚ್ಚುವರಿ ರಷ್ಯಾದ ಮಾಧ್ಯಮಗಳಿಗೆ ಲೇಬಲ್ಗಳನ್ನು ಹಾಕುವುದನ್ನು ಮುಂದುವರಿಸುತ್ತೇವೆ. ಈ ಬದಲಾವಣೆಗಳು ಈಗಿನಿಂದಲೇ ಆರಂಭವಾಗಿದೆ ಎಂದು ಗ್ಲೀಚರ್ ಟ್ವಿಟರ್ನಲ್ಲಿ ಹೇಳಿದ್ದಾರೆ.
ಕೆಲ ದಿನಗಳ ಹಿಂದಷ್ಟೇ ಉಕ್ರೇನ್ನಲ್ಲಿ ಆರಂಭಗೊಳ್ಳುತ್ತಿದ್ದ ಮಿಲಿಟರಿ ಸಂಘರ್ಷದ ಸಂಬಂಧ ಫೇಸ್ಬುಕ್ ವಿಶೇಷ ಆಪರೇಷನ್ ಸೆಂಟರ್ನ್ನು ಸ್ಥಾಪಿಸಿದೆ. ಇದು ತಜ್ಞರು ಹಾಗೂ ಸಿಬ್ಬಂದಿಯನ್ನು ಹೊಂದಿದೆ. ಈ ಮೂಲಕ ಅಲ್ಲಿನ ಪರಿಸ್ಥಿತಿಯನ್ನು ನಿಕಟವಾಗಿ ಮೇಲ್ವಿಚಾರಣೆ ಮಾಡಲು ಹಾಗೂ ಸಾಧ್ಯವಾದಷ್ಟು ವೇಗವಾಗಿ ಕಾರ್ಯ ನಿರ್ವಹಿಸಲು ಯೋಚಿಸಲಾಗಿತ್ತು.
Loading ...