ಪುಷ್ಪಾ ದಿ ರೈಸ್ ಸಿನಿಮಾಗೆ ಸಂಬಂಧಿಸಿದ ಸಾಕಷ್ಟು ರೀಲ್ಸ್ ಇನ್ಸ್ಟಾಗ್ರಾಂನಲ್ಲಿ ವೈರಲ್ ಆಗುತ್ತಲೇ ಇರುತ್ತದೆ. ಸಿನಿಮಾ ತೆರೆ ಕಂಡು ಎರಡು ತಿಂಗಳುಗಳೇ ಕಳೆದರೂ ಸಹ ಪುಷ್ಪಾ ಸಿನಿಮಾದ ಕ್ರೇಜ್ ಮಾತ್ರ ಒಂದಿಂಚೂ ಕಡಿಮೆಯಾದಂತೆ ಕಾಣುತ್ತಿಲ್ಲ.
ತೆಲುಗು ನಟ ಅಲ್ಲು ಅರ್ಜುನ್ ಶ್ರೀವಲ್ಲಿ ಹಾಡಿಗೆ ಹಾಕಿದ ಹೆಜ್ಜೆ ಹಾಗೂ ರಶ್ಮಿಕಾ ಮಂದಣ್ಣರ ಸಾಮೆ ಹಾಡಿನ ನೃತ್ಯ ಮತ್ತು ಸಮಂತಾರ ಊ ಅಂಟಾವಾ ಪ್ರದರ್ಶನವನ್ನು ಅನೇಕರು ರೀಲ್ಸ್ನಲ್ಲಿ ಟ್ರೈ ಮಾಡುತ್ತಲೇ ಇದ್ದಾರೆ.
ಪುಷ್ಪಾ ಸಿನಿಮಾ ಒಂದು ಗಂಭೀರವಾದ ಕಥೆಯನ್ನು ಹೊಂದಿರುವಂತಹ ಒಂದು ಚಿತ್ರವಾಗಿದೆ. ಆದರೆ ಎಂದಾದರೂ ನೀವು ಪುಷ್ಪಾ ಸಿನಿಮಾವು ಕಾರ್ಟೂನ್ ಸಿರೀಸ್ ಟಾಮ್ & ಜೆರ್ರಿಗೆ ಹೋಲಿಕೆ ಮಾಡಿದ್ದುಂಟೇ..?
ಸೋಶಿಯಲ್ ಮೀಡಿಯಾದಲ್ಲಿ ಸದ್ಯ ವೈರಲ್ ಆಗುತ್ತಿರುವ ವಿಡಿಯೋಗಳಲ್ಲಿ ರಶ್ಮಿಕಾ ಮಂದಣ್ಣರ ಸಾಮಿ ಸಾಮಿ ಸ್ಟೆಪ್ಸ್, ಅಲ್ಲು ಅರ್ಜುನ್ರ ಶ್ರೀವಲ್ಲಿ ಹೆಜ್ಜೆಗಳನ್ನು ಟಾಮ್ & ಜೆರ್ರಿ ಕಾರ್ಟೂನ್ ಪಾತ್ರಗಳು ಈ ಹಿಂದೆಯೇ ಮಾಡಿ ತೋರಿಸಿರೋದನ್ನು ಕಾಣಬಹುದಾಗಿದೆ.
ಈ ವಿಡಿಯೋ ಯುಟ್ಯೂಬ್ನಲ್ಲಿ ಎಷ್ಟರ ಮಟ್ಟಿಗೆ ವೈರಲ್ ಆಗಿದೆ ಅಂದರೆ ಈವರೆಗೆ 3 ಲಕ್ಷಕ್ಕೂ ಅಧಿಕ ವೀವ್ಸ್ ಸಂಪಾದಿಸಿದೆ. ಅಲ್ಲದೇ ಈ ವಿಡಿಯೋವನ್ನು ಎಡಿಟ್ ಮಾಡಿದವರ ಚಾಕಚಕ್ಯತೆಗೆ ನೆಟ್ಟಿಗರು ಶಹಬ್ಬಾಸ್ ಎಂದಿದ್ದಾರೆ.
Loading ...