ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಮುಂಬರುವ ಚಿತ್ರ ʼಕ್ರಾಂತಿʼ ಸಿನಿಮಾವು ಕ್ರಾಂತಿ ಎಕ್ಸ್ಪ್ರೆಸ್ ವೇಗದಲ್ಲಿ ಸಾಗುತ್ತಿದೆ. ಹೌದು..! ಕೊರೊನಾ ಮೂರನೇ ಅಲೆಯ ಭಯ ಇರುವ ಹಿನ್ನೆಲೆಯಲ್ಲಿ ಚಿತ್ರತಂಡವು ಯಾವುದೇ ವಿರಾಮಗಳನ್ನೂ ಪಡೆಯದೇ ತ್ವರಿತಗತಿಯಲ್ಲಿ ಶೂಟಿಂಗ್ ನಡೆಸುತ್ತಿದೆ ಎನ್ನಲಾಗಿದೆ.
ಇನ್ನು ಈ ವಿಚಾರವಾಗಿ ಮಾತನಾಡಿದ ಶೈಲಜಾ ನಾಗ್, ಹೈದರಾಬಾದ್ ಹಾಗೂ ಬೆಂಗಳೂರಿನಾದ್ಯಂತ ಶೂಟಿಂಗ್ ಸೆಟ್ಗಳ ನಿರ್ಮಾಣವಾಗಿದೆ. ನಾವು ಚಿತ್ರೀಕರಣದಲ್ಲಿ ನಿರತರಾಗಿದ್ದೇವೆ ಹಾಗೂ ಈಗಾಗಲೇ ಸಿನಿಮಾದ ಚಿತ್ರೀಕರಣ 30 ಪ್ರತಿಶತದಷ್ಟು ಪೂರ್ಣಗೊಂಡಿದೆ ಎಂದು ಹೇಳಿದರು.
ಸಿನಿಮಾದ ನಾಯಕನಾಗಿ ನಟಿಸುತ್ತಿರುವ ದರ್ಶನ್ ಹಾಗೂ ನಟಿ ರಚಿತಾ ರಾಮ್ ಕೂಡ ಚಿತ್ರತಂಡದ ಮಾತಿಗೆ ಮನ್ನಣೆ ನೀಡಿ ಯಾವುದೇ ವಿರಾಮವನ್ನು ಪಡೆಯದೇ ಸಿನಿಮಾ ಶೂಟಿಂಗ್ನಲ್ಲಿ ನಿರತರಾಗಿದ್ದಾರೆ ಎನ್ನಲಾಗಿದೆ.
ವೀಕೆಂಡ್ನಲ್ಲಿ ಕೈಗಾರಿಕಾ ಕೆಲಸಗಳಿಗೆ ಅನುಮತಿ ಇರೋದ್ರಿಂದ ಶೂಟಿಂಗ್ ಗಳನ್ನು ಬೇಗನೇ ಪೂರ್ಣಗೊಳಿಸುವ ಸಲುವಾಗಿ ವಾರಾಂತ್ಯದ ಶೂಟಿಂಗ್ಗೂ ಚಿತ್ರತಂಡ ಸರ್ಕಾರದ ಬಳಿಕ ಅನುಮತಿ ಕೋರಿದೆ. ಕೊರೊನಾ ಮೂರನೇ ಅಲೆಯ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ನಾವು ಆತಂಕಗೊಂಡಿದ್ದೆವೆ. ಆದ್ದರಿಂದ ನಾವು ದೇಶದಲ್ಲಿ ಸಾಧ್ಯವಾದಷ್ಟು ಶೂಟಿಂಗ್ ಪೂರ್ಣಗೊಳಿಸಲು ಯತ್ನಿಸುತ್ತಿದ್ದೇವೆ. ವಿದೇಶದಲ್ಲಿಯೂ ಸಿನಿಮಾ ಶೂಟಿಂಗ್ಗೆ ಪ್ಲಾನ್ ಮಾಡಿದ್ದೇವೆ. ಪರಿಸ್ಥಿತಿಗಳು ಸರಿಯಾದಾಗ ಈ ಬಗ್ಗೆ ಯೋಚಿಸುತ್ತೇವೆ ಎಂದು ಶೈಲಜಾ ನಾಗ್ ಹೇಳಿದ್ರು.
Loading ...