ನೋರಾ ಫತೇಹಿರ ’ಡ್ಯಾನ್ಸ್‌ ಮೇರಿ ರಾಣಿ’ ಹಾಡಿಗೆ ವಿದೇಶೀ ಹುಡುಗರಿಂದ ಭರ್ಜರಿ ಸ್ಟೆಪ್

ತಾಂಜ಼ಾನಿಯಾದ ಕಿಲಿ ಪೌಲ್ ಮತ್ತು ಅಮೆರಿಕದ ರಿಕಿ ಪಾಂಡ್‌ ಭಾರತೀಯ ಸಿನಿಮಾ ಹಾಡುಗಳಿಗೆ ತಮ್ಮದೇ ಮಸಾಲಾ ಕಂಟೆಂಟ್ ಸೇರಿಸಿ ಮಾಡುವ ವಿಡಿಯೋಗಳು ಅದೆಷ್ಟು ವೈರಲ್ ಆಗಿವೆ ಎಂದು ನೆಟ್ಟಿಗರಿಗೆ ಚೆನ್ನಾಗೇ ಗೊತ್ತಿರುತ್ತದೆ.

ಇಂತದ್ದೇ ಯತ್ನವೊಂದನ್ನು ಮಾಡಿರುವ ಇಬ್ಬರು ವಿದೇಶೀ ಹುಡುಗರ ವಿಡಿಯೋವೊಂದು ಇನ್ಸ್‌ಟಾಗ್ರಾಂನಲ್ಲಿ ವೈರಲ್ ಆಗಿದೆ. ನೋರಾ ಫತೇಹಿ ಮತ್ತು ಗುರು ರಾಂಧವಾರ ’ಡ್ಯಾನ್ಸ್ ಮೇರೇ ರಾಣಿ’ ಹೆಸರಿನ ಇತ್ತೀಚಿನ ಹಾಡೊಂದಕ್ಕೆ ಹುಡುಗರು ಭರ್ಜರಿ ಸ್ಟೆಪ್ ಹಾಕಿದ್ದಾರೆ.

ಅಗಲಿದ ಅಪ್ಪನ ಮಾತುಗಳನ್ನು ಮದುವೆ ಧಿರಿಸಿನ ಮೇಲೆ ಎಂಬ್ರಾಯ್ಡರಿ ಮಾಡಿಕೊಂಡ ಮದುಮಗಳು

ಹಾಡಿನ ಒಂದೇ ಒಂದು ಬೀಟ್ ಮಿಸ್ ಮಾಡದೇ ಹುಡುಗರು ಭರ್ಜರಿ ಸಿಂಕ್‌ನಲ್ಲಿ ಸ್ಟೆಪ್ ಹಾಕುತ್ತಿರುವುದನ್ನು ಹಾಡಿನಲ್ಲಿ ನೋಡಬಹುದು. ಬ್ಲೇಜ಼ರ್‌ಗಳು, ಟ್ರೌಶರ್‌ಗಳು ಮತ್ತು ಬಿಳಿ ಶೂಗಳನ್ನು ಧರಿಸಿರುವ ಇಬ್ಬರೂ ಹುಡುಗರು ಹಾಡಿಗೆ ತಕ್ಕಂತೆ ತಮ್ಮ ಕಾಲುಗಳನ್ನು ಕುಣಿಸಿದ್ದಾರೆ.

ಇಬ್ಬರ ಈ ವಿಡಿಯೋ ಖುದ್ದು ಗುರು ರಾಂಧವಾರನ್ನು ತಲುಪಿದ್ದು, ಆತ ಕೂಡ ಈ ವಿಡಿಯೋ ಮೆಚ್ಚಿಕೊಂಡು ಶೇರ್‌ ಮಾಡಿ, “ಇದು ಅಂತಾರಾಷ್ಟ್ರೀಯ ಮಾರುಕಟ್ಟೆ ತಲುಪುವುದು ಯಾವಾಗ,” ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ.

https://youtu.be/sGDQQBdzfxE