ಜೊಮ್ಯಾಟೋದಲ್ಲಿ ಕಳೆದ ವರ್ಷ ಅತಿ ಹೆಚ್ಚು ಆರ್ಡರ್​ ಮಾಡಲಾದ ಫುಡ್​ ಯಾವುದು ಗೊತ್ತಾ..?

2022 ಆರಂಭವಾಗಿದೆ. 2021ರಲ್ಲಿ ಸಾಕಷ್ಟು ಬದಲಾವಣೆಗಳನ್ನು ನಾವು ಕಂಡಿದ್ದೇವೆ. ಆ ಇಡೀ ವರ್ಷವೂ ನಾವು ಕೋವಿಡ್​ ಕರಿನೆರಳಿನಲ್ಲಿಯೇ ಬದುಕಿದ್ದೇವೆ. ಕಳೆದ ವರ್ಷದಲ್ಲಿ ಆನ್​ಲೈನ್​​ನಲ್ಲಿ ಅತೀ ಹೆಚ್ಚು ಆಹಾರಗಳನ್ನು ಆರ್ಡರ್​ ಮಾಡಲಾಗಿದೆ.

ಕೋವಿಡ್​ ಸಾಂಕ್ರಾಮಿಕದ ಸಂದರ್ಭದಲ್ಲಿ ಆನ್​ಲೈನ್​ನಲ್ಲಿ ಫುಡ್​ ಆರ್ಡರ್​ ಮಾಡೋದು ಒಂದು ವರದಾನದ ರೀತಿಯಲ್ಲಿ ಕಂಡಿದೆ ಎಂದು ಹೇಳಿದರೆ ತಪ್ಪಾಗಲಿಕ್ಕಿಲ್ಲ. ಹೋಟೆಲ್​, ರೆಸ್ಟಾರೆಂಟ್​ಗಳಿಗೆ ಹೋಗಲು ಅವಕಾಶ ಇಲ್ಲದಂತಹ ಸಂದರ್ಭಗಳಲ್ಲಿ ಆನ್​ಲೈನ್​ ಫುಡ್​ ಡೆಲಿವರಿ ಅಪ್ಲಿಕೇಶನ್​ಗಳು ನಮ್ಮ ಬಯಕೆ ತೀರಿಸಿವೆ ಎಂದು ಹೇಳಿದರೆ ತಪ್ಪು ಎನಿಸದು.

ಈ ನಡುವೆ ಜೊಮ್ಯಾಟೋ ಕಳೆದ ವರ್ಷದಲ್ಲಿ ಆರ್ಡರ್​ ಮಾಡಲಾದ ಆಹಾರಗಳ ಪಟ್ಟಿಯೊಂದನ್ನ ಬಿಡುಗಡೆ ಮಾಡಿದೆ. 2021ರಲ್ಲಿ ಅತೀ ಹೆಚ್ಚು ಆರ್ಡರ್​ ಮಾಡಲಾದ ಫುಡ್​ನ ಹೆಸರು ಕೇಳಿದ್ರೆ ನೀವು ಆಶ್ಚರ್ಯಚಕಿತರಾಗೋದು ಪಕ್ಕಾ..!

ಭಾರತದಲ್ಲಿ ಪ್ರತಿ ಸೆಕೆಂಡ್​ಗೆ 2 ಬಿರಿಯಾನಿ ಆರ್ಡರ್​ ಮಾಡಲಾಗಿದೆಯಂತೆ. 2020 ವರ್ಷದಂತೆಯೇ ಕಳೆದ ವರ್ಷವೂ ಕೂಡ ಭಾರತದಲ್ಲಿ ಬಿರಿಯಾನಿಯನ್ನೇ ಅತೀ ಹೆಚ್ಚು ಆರ್ಡರ್ ಮಾಡಲಾಗಿದೆ.

ಜಾರಕಿಹೊಳಿ ಬ್ರದರ್ಸ್ ಆಟಕ್ಕೆ ಮತ್ತೆ ಮುದುಡಿದ ಕಮಲ: ಸ್ಥಳೀಯ ಸಂಸ್ಥೆಯಯಲ್ಲೂ ಬಿಜೆಪಿಗೆ ಬಿಗ್ ಶಾಕ್

ಈ ಬಾರಿ ಭಾರತ ಹಾಗೂ ಪಾಕಿಸ್ತಾನದ ನಡುವಿನ ಪಂದ್ಯವು ಭಾರತೀಯರಿಗೆ ತೀವ್ರ ನಿರಾಶೆ ಉಂಟು ಮಾಡಿದ್ದಂತೂ ಸುಳ್ಳಲ್ಲ. ಆದರೆ ಪಾಕ್​ ವಿರುದ್ಧ ಸಿಕ್ಕ ಸೋಲಿನ ಕಹಿಯನ್ನು ಜೊಮ್ಯಾಟೋ ಫುಡ್​​ ಮರೆಸಿದಂತೆ ಕಾಣುತ್ತಿದೆ.

ಏಕೆಂದರೆ ಮ್ಯಾಚ್​​ ದಿನದಂದು ಕೇವಲ ಜೊಮ್ಯಾಟೋ ಆ್ಯಪ್​ ಒಂದರಲ್ಲೇ 10,62,710 ಜನರು ಫುಡ್​ ಆರ್ಡರ್​ ಮಾಡಿದ್ದಾರೆ…! ಭಾರತದಲ್ಲಿ ಇನ್ನೂ ಅನೇಕ ಆನ್​ಲೈನ್ ಫುಡ್​ ಡೆಲಿವರಿ ಆ್ಯಪ್​ಗಳಿವೆ. ಹಾಗಾದರೆ ದೇಶದಲ್ಲಿ ಅಂದು ಒಟ್ಟು ಎಷ್ಟು ಮಂದಿ ಫುಡ್​ ಆರ್ಡರ್​ ಮಾಡಿರಬಹುದು ಎಂಬುದನ್ನು ನೀವೇ ಅಂದಾಜಿಸಿ..!

ಶ್ವೇತಾ ಎಂಬ ಹೆಸರಿನವರು ಒಂದೇ ದಿನದಲ್ಲಿ ಬರೋಬ್ಬರಿ 12 ಬಾರಿ ಐಸ್​ಕ್ರೀಂ ಆರ್ಡರ್ ಮಾಡಿದ್ದಾರಂತೆ. ಬಹುಶಃ ಆಕೆಗೆ ಅಂದು ಏನೋ ಬೇಸರವಾಗಿ ಈ ರೇಂಜ್​ಗೆ ಐಸ್​ಕ್ರೀಂ ತಿಂದಿರಬಹುದು..! ಅಥವಾ ಅತಿಥಿಗಳು ಒಬ್ಬರಾದ ಮೇಲೆ ಒಬ್ಬರಂತೆ ಮನೆಗೆ ಬಂದಿರಬಹುದೇನೋ..?

ಮೋಮೋಸ್​ ಬಹುತೇಕರ ಫೇವರಿಟ್​ ಸ್ನ್ಯಾಕ್​. ಕಳೆದೊಂದು ವರ್ಷದಲ್ಲಿ ಜೊಮ್ಯಾಟೋದಲ್ಲಿ 1,06,66,095 ಬಾರಿ ಮೊಮೋ ಆರ್ಡರ್​ ಮಾಡಲಾಗಿದೆ.