ರಾಜ್ಯದಲ್ಲಿ ವಿಧಾನಪರಿಷತ್ ಚುನಾವಣೆ ಅಖಾಡ ಕಾವೇರಿರುವ ಬೆನ್ನಲ್ಲೇ ಪ್ರಚಾರ ಕಾರ್ಯ ಕೂಡ ಭರದಿಂದ ಸಾಗುತ್ತಿದೆ. ಆದರೆ ಬಿಜೆಪಿಯಲ್ಲಿ ಮಾತ್ರ ಇನ್ನೂ ಸಿಎಂ ಬದಲಾವಣೆ ಚರ್ಚೆಯೇ ಮುಗಿದಿಲ್ವಾ ಎಂಬ ಪ್ರಶ್ನೆ ಎದುರಾಗಿದೆ.
ವಿಧಾನಪರಿಷತ್ ಚುನಾವಣೆ ಪ್ರಚಾರ ಕಾರ್ಯದಲ್ಲಿ ಭಾಗಿಯಾಗಿದ್ದ ಶಾಸಕ ಶಿವನಗೌಡ ನಾಯಕ್, ಸಚಿವ ಹಾಲಪ್ಪ ಆಚಾರ್ಗೂ ಮುಖ್ಯಮಂತ್ರಿಯಾಗುವ ಯೋಗವಿದೆ ಎಂದು ಭವಿಷ್ಯ ನುಡಿದಿದ್ದಾರೆ.
ಕೊಪ್ಪಳ ಜಿಲ್ಲೆ ಕುಕನೂರು ತಾಲೂಕು ಮಸಬ ಹಂಚಿನಾಳ ಗ್ರಾಮದಲ್ಲಿ ವಿಧಾನಪರಿಷತ್ ಚುನಾವಣಾ ಪ್ರಚಾರ ಕಾರ್ಯದಲ್ಲಿ ಭಾಗಿಯಾಗಿ ಮಾತನಾಡಿದ ಶಿವನಗೌಡ ನಾಯಕ್ ಇನ್ನೊಂದು ಹತ್ತಿಪ್ಪತ್ತು ವರ್ಷಗಳಲ್ಲಿ ಹಾಲಪ್ಪ ಆಚಾರ್ಗೆ ಮುಖ್ಯಮಂತ್ರಿಯಾಗುವ ಯೋಗವಿದೆ ಎಂದು ಹೇಳಿದ್ರು.
ನಾನು ಈಶ್ವರಪ್ಪರಂತೆ ಇಂಥವರೇ ಬೇಗ ಸಿಎಂ ಆಗಲಿ ಎಂದು ಹೇಳುವುದಿಲ್ಲ. ರಾಜಕೀಯ ಜೀವನದಲ್ಲಿ ಹಾಲಪ್ಪ ಆಚಾರ್ಗೆ ಮುಖ್ಯಮಂತ್ರಿ ಯೋಗ ಬಂದರೆ ನಾವೇನೂ ವಿರೋಧ ಮಾಡೋದಿಲ್ಲ. ಭಗವಂತನ ಆರ್ಶೀವಾದದಿಂದ ಅವರು ಆ ಸ್ಥಾನವನ್ನು ಮುಟ್ಟಲಿ. ಹಾಲಪ್ಪ ಬಳಿ ಆ ಶಕ್ತಿಯಿದೆ ಎಂದು ಹೇಳಿದ್ರು.
Loading ...