ಇಂದು ವಿಶ್ವ ಹತ್ತಿ ದಿನ: ಇಲ್ಲಿದೆ ಇದರ ಇತಿಹಾಸ, ಪ್ರಾಮುಖ್ಯತೆ ಕುರಿತ ಮಾಹಿತಿ

ಹತ್ತಿಯಿಂದ ತಯಾರಾದ ಯಾವುದೇ ಬಟ್ಟೆಗಳನ್ನು ಧರಿಸಿದರೂ ಸಹ ಅದು ಹಿತಕರ ಎಂದೆನಿಸುತ್ತದೆ. ವಿಶ್ವದ 75 ರಾಷ್ಟ್ರಗಳಲ್ಲಿ 28.67 ಮಿಲಿಯನ್​ ಬೆಳೆಗಾರರು ಹತ್ತಿಯನ್ನು ಬೆಳೆಯುತ್ತಾರೆ. ಹೀಗಾಗಿ ಮಿಲಿಯನ್​ಗಟ್ಟಲೇ ಜನರಿಗೆ ಹತ್ತಿ ಬೆಳೆಯು ಜೀವನೋಪಾಯದ ಮಾರ್ಗವಾಗಿದೆ. ಅಲ್ಲದೇ ಇದು ಅನೇಕ ಬಡ ಕುಟುಂಬಗಳಿಗೆ ಉದ್ಯೋಗವನ್ನೂ ಒದಗಿಸಿದೆ.

ಆಫ್ರಿಕಾದಲ್ಲಿ ಮಕ್ಕಳ ರಕ್ಷಣೆಗೆ ಮಹತ್ವದ ಕ್ರಮ, ಮಲೇರಿಯಾ ಲಸಿಕೆಗೆ ಐತಿಹಾಸಿಕ ಅನುಮೋದನೆ ನೀಡಿದ WHO

ಪ್ರತಿವರ್ಷ ಅಕ್ಟೋಬರ್​ 7ರಂದು ವಿಶ್ವ ಹತ್ತಿ ದಿನವನ್ನು ಆಚರಿಸಲಾಗುತ್ತದೆ. ಈ ಮೂಲಕ ಹತ್ತಿಯ ಉತ್ಪನ್ನಗಳ ಬಗ್ಗೆ ಅರಿವು ಮೂಡಿಸುವುದಾಗಿದೆ. ಈ ಮೂಲಕ ಆರ್ಥಿಕ ಅಭಿವೃದ್ಧಿ ಹಾಗೂ ಬಡತನ ನಿವಾರಣೆಯಲ್ಲಿ ಸುಧಾರಣೆ ತರುವ ಉದ್ದೇಶವನ್ನು ಹೊಂದಲಾಗಿದೆ.

2021ರ ಹತ್ತಿ ದಿನದ ಸಾರಾಂಶ

ಈ ವರ್ಷ ಒಳ್ಳೆಯದಕ್ಕಾಗಿ ಹತ್ತಿ(Cotton for Good) ಎಂಬ ಘೋಷ ವಾಕ್ಯವನ್ನು ಆಯ್ಕೆ ಮಾಡಲಾಗಿದೆ. ಹತ್ತಿ ಬೆಳೆಯು ಉದ್ಯೋಗತನ ಹೆಚ್ಚಿಸುವುದರ ಜೊತೆಗೆ ಪರಿಸರ ರಕ್ಷಣೆಯನ್ನೂ ಮಾಡುತ್ತದೆ.

ಕಷ್ಟದಲ್ಲಿದ್ದರೂ ಅಪರಿಚಿತನ ಸಹಾಯಕ್ಕೆಮುಂದಾದ ಮಹಿಳೆ…! ಭಾವುಕರನ್ನಾಗಿಸುತ್ತೆ ಈ ವಿಡಿಯೋ

ವಿಶ್ವ ಹತ್ತಿ ದಿನದ ಇತಿಹಾಸ

ಆಫ್ರಿಕಾದ ಹತ್ತಿ ಉತ್ಪಾದಿಸುವ ರಾಜ್ಯಗಳಾದ ಬೆನಿನ್, ಬುರ್ಕಿನಾ ಫಾಸೋ, ಚಾಡ್​ ಹಾಗೂ ಮಾಲಿಯಲ್ಲಿ ಪ್ರಾಯೋಗಿಕ ಹಂತವಾಗಿ ವಿಶ್ವ ವಾಣಿಜ್ಯ ಸಂಸ್ಥೆಯು 2009ರಲ್ಲಿ ವಿಶ್ವ ಹತ್ತಿ ದಿನದ ಆಚರಣೆಯನ್ನು ಆರಂಭಿಸಿತು. ಈ ದಿನದಲ್ಲಿ ಹತ್ತಿಯ ಕುರಿತಂತೆ ಹೆಚ್ಚಿನ ಜ್ಞಾನ ಪಸರಿಸುವುದು ಹಾಗೂ ಹತ್ತಿ ಸಂಬಂಧಿ ಚಟುವಟಿಕೆಗಳನ್ನು ಪ್ರದರ್ಶಿಸುವ ಕಾರ್ಯ ಮಾಡಲಾಯ್ತು.

ಮೃದುವಾದ, ಗುಲಾಬಿ ಬಣ್ಣದ ತುಟಿ ಪಡೆಯಲು ಸಾಕು ಮನೆಯಲ್ಲೇ ಇರುವ ಈ ಒಂದು ವಸ್ತು

ಅಂತಾರಾಷ್ಟ್ರೀಯ ಹತ್ತಿ ಸಲಹಾ ಸಮಿತಿ ನೀಡಿರುವ ಮಾಹಿತಿಯ ಪ್ರಕಾರ, ಹತ್ತಿಯಿಂದ ಸಿಗುವ ವಾರ್ಷಿಕ ಆದಾಯ 41.2 ಬಿಲಿಯನ್ ಡಾಲರ್ ಆಗಿದೆ. ಪ್ರತಿ ವರ್ಷ 18 ಬಿಲಿಯನ್​ ಡಾಲರ್ ಮೌಲ್ಯದ ಹತ್ತಿ ವ್ಯಾಪಾರವಾಗುತ್ತದೆ. ಹತ್ತಿಯನ್ನು ಯಾವುದೇ ವಾತಾವರಣದಲ್ಲಿ ಬೆಳೆಯಬಹುದಾಗಿದೆ. ಇದು ಒಣ ಹಾಗೂ ಶುಷ್ಕ ವಲಯಗಳೆರಡರಲ್ಲೂ ಬೆಳೆಯಬಹುದು. ಪ್ರಪಂಚದಲ್ಲಿ ಕೇವಲ 2.1 ಪ್ರತಿಶತ ಭೂಮಿಯಲ್ಲಿ ಮಾತ್ರ ಹತ್ತಿ ಬೆಳೆಯಿದೆ.