ಫುಡ್‌ ಡೆಲಿವರಿ ಬಳಿಕ ಯುವಕ ಮಾಡಿದ ಕೆಲಸ ಕಂಡು ಮನೆ ಮಾಲೀಕರಿಗೆ ಶಾಕ್

ಕೆಲ ದಿನಗಳ ಹಿಂದಷ್ಟೇ ಗ್ರಾಹಕರು ಆರ್ಡರ್​ ಮಾಡಿದ್ದ ಆಹಾರವನ್ನು ತಿಂದ ಊಬರ್​​ ಈಟ್ಸ್​ ಡೆಲಿವರಿ ಬಾಯ್ ​ನ್ನು ಕೆಲಸದಿಂದ ವಜಾಗೊಳಿಸಿದ ಘಟನೆಯು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿತ್ತು.

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆದ ವಿಡಿಯೋದಲ್ಲಿ ಊಬರ್​ ಈಟ್ಸ್​ನ ಡೆಲಿವರಿ ಬಾಯ್​ ಆಹಾರ ಪೊಟ್ಟಣಕ್ಕೆ ಬರಿಗೈ ಹಾಕಿ ನ್ಯೂಡಲ್ಸ್​ ತೆಗೆದು ಪ್ಲಾಸ್ಟಿಕ್​​ ಬಾಕ್ಸ್ ಒಂದಕ್ಕೆ ಹಾಕಿಕೊಂಡಿದ್ದ. ಇದು ಮಾತ್ರವಲ್ಲದೇ ಇನ್ನೊಂದು ಆಹಾರ ಪೊಟ್ಟಣಕ್ಕೆ ಕೈ ಹಾಕಿ ಚಿಕನ್​ ಕೂಡ ತೆಗೆದುಕೊಂಡಿದ್ದಾನೆ.

ಎಲ್ಲವನ್ನೂ ತಿಂದು ಬಳಿಕ ಕೈ ಬೆರಳುಗಳನ್ನ ನೆಕ್ಕಿಕೊಂಡು ಆಹಾರವನ್ನು ಆರ್ಡರ್​ ಮಾಡಲು ತೆರಳಿದ್ದ. ಸೋಶಿಯಲ್​ ಮೀಡಿಯಾದಲ್ಲಿ ಈ ವಿಡಿಯೋ ವ್ಯಾಪಕವಾಗಿ ಹರಿದಾಡಿದ ಬಳಿಕ ಈತನನ್ನು ಕೆಲಸದಿಂದ ವಜಾಗೊಳಿಸಲಾಗಿತ್ತು.

ಇದೀಗ ಮತ್ತೊಂದು ವಿಡಿಯೋ ವೈರಲ್​ ಆಗಿದ್ದು ಇದರಲ್ಲಿ ಡೆಲಿವರಿ ಡ್ರೈವರ್​​ ಗ್ರಾಹಕರಿಗೆ ಆಹಾರವನ್ನು ತಲುಪಿಸಿದ ಬಳಿಕ ಅವರ ಮನೆಯ ಆವರಣದಲ್ಲಿಯೇ ಮೂತ್ರ ವಿಸರ್ಜನೆ ಮಾಡಿದ್ದಾನೆ. ಸಿಸಿ ಕ್ಯಾಮರಾದಲ್ಲಿ ಈ ದೃಶ್ಯ ಸೆರೆಯಾಗಿದೆ.

ಹಾಡಹಗಲೇ ಡೆಲಿವರಿ ಬಾಯ್​​ ಡ್ರೈವ್​ವೇ ನಲ್ಲಿ ನಿಲ್ಲಿಸಲಾಗಿದ್ದ ಕಾರಿನ ಪಕ್ಕದಲ್ಲೇ ಮೂತ್ರ ವಿಸರ್ಜನೆ ಮಾಡಿದ್ದಾನೆ. ಆಗಸ್ಟ್​ 11ರಂದು ನಡೆದ ಘಟನೆಯ ದೃಶ್ಯಾವಳಿಯನ್ನು ಸಿಸಿ ಕ್ಯಾಮರಾದಲ್ಲಿ ವೀಕ್ಷಿಸಿದ ಮನೆ ಮಾಲೀಕರಾದ ಥಾಮಸ್​ ಹಾಗೂ ಅವರ ಸ್ನೇಹಿತೆ ಸ್ಟೀಫನ್​ ಶಾಕ್​ ಆಗಿದ್ದಾರೆ. ಮೂಲಗಳ ಪ್ರಕಾರ ಈತ ಕೂಡ ಊಬರ್​ ಈಟ್ಸ್​ಗೆ ಸೇರಿದ ಡ್ರೈವರ್​ ಎಂದು ತಿಳಿದು ಬಂದಿದೆ.

ಈ ಬಗ್ಗೆ ಥಾಮಸ್​ ಹಾಗೂ ಸ್ಟೀಫನ್​ ಊಬರ್​ ಈಟ್ಸ್​ಗೆ ದೂರನ್ನು ನೀಡಿದ್ದಾರೆ. ಊಬರ್​ ಈಟ್ಸ್ ವಕ್ತಾರ ಈ ಘಟನೆಯನ್ನು ಕ್ಷಮಿಸಲು ಸಾಧ್ಯವೇ ಇಲ್ಲ ಎಂದು ಹೇಳಿದ್ದಾರೆ ಎನ್ನಲಾಗಿದೆ.