ವರ್ಕ್ ಫ್ರಮ್ ಹೋಮ್ನಿಂದ ಕಚೇರಿಗೆ ಮರಳುವ ವೇಳೆಯಲ್ಲಿ ನೌಕರರಿಗೆ ಯಾವೆಲ್ಲ ಷರತ್ತುಗಳನ್ನು ವಿಧಿಸಬೇಕು ಎಂಬ ವಿಚಾರದಲ್ಲಿ ಐಟಿ ಕಂಪನಿಗಳು ದಿನದಿಂದ ದಿನಕ್ಕೆ ಸೂಕ್ತ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಇದೀಗ ಈ ಸಾಲಿಗೆ ಟೆಕ್ ದೈತ್ಯ ಮೈಕ್ರೋಸಾಫ್ಟ್ ಕೂಡ ಸೇರಿದೆ.
ತನ್ನ ಇತ್ತೀಚಿನ ಹೇಳಿಕೆಯೊಂದರಲ್ಲಿ ಮೈಕ್ರೋಸಾಫ್ಟ್ ತನ್ನ ನಿರ್ಧಾರವನ್ನು ಸ್ಪಷ್ಟವಾಗಿ ತಿಳಿಸಿದೆ. ಈ ಹೇಳಿಕೆಯಲ್ಲಿ ಅಮೆರಿಕದಲ್ಲಿರುವ ತಮ್ಮ ಉದ್ಯೋಗಿಗಳು ಯಾರು ಕಚೇರಿಗೆ ಮರಳುತ್ತಿದ್ದಾರೋ ಅವರೆಲ್ಲರ ಕೈಯಲ್ಲೂ ಕೊರೊನಾ ಲಸಿಕೆ ಪ್ರಮಾಣ ಪತ್ರ ಇರೋದು ಕಡ್ಡಾಯ ಎಂದು ಹೇಳಿದೆ. ಈ ಹೊಸ ನಿಯಮಾವಳಿಯು ಸೆಪ್ಟೆಂಬರ್ ತಿಂಗಳ ಆರಂಭದಿಂದ ಅಸ್ತಿತ್ವಕ್ಕೆ ಬರಲಿದೆ.
ಆನ್ಲೈನ್‌ ಮೂಲಕ ಹಳೆಯ ನೋಟು/ನಾಣ್ಯ ವ್ಯಾಪಾರ ಮಾಡುವವರಿಗೆ ಎಚ್ಚರಿಕೆ ನೀಡಿದ ಆರ್‌ಬಿಐ
ಕೇವಲ ಉದ್ಯೋಗಿಗಳು ಮಾತ್ರವಲ್ಲದೇ ಅಮೆರಿಕದಲ್ಲಿ ಮೈಕ್ರೋಸಾಫ್ಟ್ ಕ್ಯಾಂಪಸ್ಗೆ ಭೇಟಿ ನೀಡುವ ಪ್ರತಿ ಅತಿಥಿಯೂ ಲಸಿಕೆ ಸ್ವೀಕರಿಸಿರುವುದು ಕಡ್ಡಾಯವಾಗಿದೆ. ಸೂಕ್ತ ವೈದ್ಯಕೀಯ ಕಾರಣ ಅಥವಾ ಇನ್ಯಾವುದೋ ಸ್ಪಷ್ಟ ಕಾರಣಗಳನ್ನು ಹೊಂದಿರುವವರಿಗೆ ಮಾತ್ರ ಈ ನಿಯಮಾವಳಿಯಿಂದ ವಿನಾಯ್ತಿ ನೀಡಲಾಗುವುದು ಎಂದು ಕಂಪನಿ ಹೇಳಿದೆ.
ಕೊರೊನಾ ಲಸಿಕೆ ಕಡ್ಡಾಯದ ಜೊತೆಗೆ ಮೈಕ್ರೋಸಾಫ್ಟ್ ಪೂರ್ಣ ಅವಧಿಗೆ ತನ್ನ ಕಚೇರಿಯನ್ನು ತೆರೆಯುವ ದಿನಾಂಕವನ್ನೂ ಮುಂದೂಡಿದೆ. ಈ ಮೊದಲು ಸೆಪ್ಟೆಂಬರ್ 7ಕ್ಕೆ ತೆರೆಯಬೇಕು ಎಂದಿದ್ದ ಕಂಪನಿಯು ಅಕ್ಟೋಬರ್ 4ರ ಬಳಿಕ ಓಪನ್ ಆಗಲಿದೆ.
ಪುಟ್ಟ ಮಕ್ಕಳ ಪೋಷಕರಾಗಿರುವ ಉದ್ಯೋಗಿಗಳು ಲಸಿಕೆಯನ್ನು ಪಡೆದುಕೊಳ್ಳಬೇಕು ಹಾಗೂ ಮುಂದಿನ ವರ್ಷ ಜನವರಿವರೆಗೆ ವರ್ಕ್ ಫ್ರಮ್ ಹೋಮ್ ಮೂಲಕವೇ ಕೆಲಸ ನಿರ್ವಹಿಸಬಹುದು. ಇದು ಶಕ್ತಿಗುಂದಿದವರ ಕಾಳಜಿ ವಹಿಸುತ್ತಿರುವ ಉದ್ಯೋಗಿಗೂ ಅನ್ವಯಿಸುತ್ತದೆ ಎಂದು ಕಂಪನಿ ಹೇಳಿದೆ.
Loading ...