ಇಸ್ರೇಲಿ ಈಜುಪಟುಗಳಾದ ಎಡೆನ್ ಬ್ಲೆಚರ್ ಹಾಗೂ ಶೆಲ್ಲಿ ಬೊಬ್ರಿಟ್ಸ್ಕಿ ಬಾಲಿವುಡ್ ನಟಿ ಮಾಧುರಿ ದೀಕ್ಷಿತ್ರ ಆಜಾ ನಚಲೆ ಹಾಡಿಗೆ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಭಾರತೀಯರ ಸಂತಸಕ್ಕೆ ಕಾರಣರಾಗಿದ್ದಾರೆ. ಆರ್ಟಿಸ್ಟಿಕ್ ಸ್ವಿಮ್ಮಿಂಗ್ ಡ್ಯೂಯಟ್ ಫ್ರೀ ಪೂರ್ವಭಾವಿ ಆವೃತ್ತಿಯಲ್ಲಿ ಈ ಪ್ರದರ್ಶನ ನೀಡಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಮಾಧುರಿ ದೀಕ್ಷಿತ್ರ ಆಜಾ ನಚಲೆ ಸಿನಿಮಾ ತೆರೆಕಂಡು 13 ವರ್ಷಗಳೆ ಕಳೆಯುತ್ತಾ ಬಂದಿದೆ. ಬರೊಬ್ಬರಿ 5 ವರ್ಷಗಳ ಗ್ಯಾಪ್ನ ಬಳಿಕ ಮಾಧುರಿ ದೀಕ್ಷಿತ್ ಈ ಸಿನಿಮಾದ ಮೂಲಕ ಬೆಳ್ಳಿ ತೆರೆಗೆ ಕಮ್ಬ್ಯಾಕ್ ಮಾಡಿದ್ದರು. ಇದೀಗ ಈ ವಿಶೇಷ ಹಾಡಿಗೆ ಇಸ್ರೆಲಿ ಈಜುಪಟುಗಳು ಅದ್ಭುತ ಪ್ರದರ್ಶನ ನೀಡಿದ್ದು ಮಾಧುರಿ ದೀಕ್ಷಿತ್ ಅಭಿಮಾನಿಗಳು ಫುಲ್ ಫಿದಾ ಆಗುವಂತೆ ಮಾಡಿದ್ದಾರೆ.
ಶೆಲ್ಲಿ ಹಾಗೂ ಈಡೆನ್ ಫೈನಲ್ ಪಂದ್ಯಕ್ಕೆ ಆಯ್ಕೆ ಆಗುವಲ್ಲಿ ವಿಫಲರಾದರೂ ಸಹ ಅನೇಕ ಭಾರತೀಯರ ಮನಸ್ಸನ್ನು ಗೆಲ್ಲುವಲ್ಲಿ ಈ ಈಜುಪಟುಗಳು ಯಶಸ್ವಿಯಾಗಿದ್ದಾರೆ. ಇದೀಗ ಈ ವಿಡಿಯೋವನ್ನು ಟ್ವಿಟರ್ನಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗ್ತಿದೆ.
Loading ...