ಕೊರೊನಾ ಸಾಂಕ್ರಾಮಿಕದ ಕಾಟ ಹೆಚ್ಚಾಗಿರೋದ್ರಿಂದ ಸ್ಯಾನಿಟೈಸರ್ಗಳನ್ನ ಬಳಕೆ ಮಾಡೋದು ಸರ್ವೇ ಸಾಮಾನ್ಯ ಎಂಬಂತಾಗಿದೆ. ಆದರೆ ಅಮೆರಿಕದಲ್ಲಿ ಸ್ಯಾನಿಟೈಸರ್ ಬಳಕೆ ಮಾಡುತ್ತಿದವನ ಕಾರಿಗೇ ಬೆಂಕಿ ಬಿದ್ದ ಆಘಾತಕಾರಿ ಘಟನೆಯೊಂದು ವರದಿಯಾಗಿದೆ.
ಮೇರಿಲ್ಯಾಂಡ್ ಎಂಬಲ್ಲಿ ವ್ಯಕ್ತಿಯೊಬ್ಬ ತನ್ನ ಕಾರಿನಲ್ಲಿ ಕೂತುಕೊಂಡು ಸ್ಯಾನಿಟೈಸರ್ನಿಂದ ಕೈತೊಳೆದುಕೊಂಡ ತಕ್ಷಣವೇ ಸಿಗರೇಟ್ ಹಚ್ಚಲು ಹೋಗಿದ್ದೇ ಈ ಅವಘಡಕ್ಕೆ ಕಾರಣ ಎನ್ನಲಾಗಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ತೆರೆದ ಪಾರ್ಕಿಂಗ್ ಸ್ಥಳದಲ್ಲಿ ಕಾರು ಹೊತ್ತಿ ಉರಿಯುತ್ತಿರೋದನ್ನ ನೀವು ಕಾಣಬಹುದಾಗಿದೆ. ಕೂಡಲೇ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿಯನ್ನ ಹತೋಟಿಗೆ ತಂದಿದ್ದಾರೆ. ಹಾಗೂ ಕಾರು ಚಾಲಕ ಸಹ ಸಣ್ಣ ಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.
ಈ ವಿಡಿಯೋವನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿರುವ ಮೊಂಟ್ಗೋಮೇರಿ ಕಂಟ್ರಿ ಅಗ್ನಿಶಾಮಕ ದಳದ ವಕ್ತಾರ ಪೆಟೆ ಪಿರಿಂಗರ್, ಕಾರಿಗೆ ಬೆಂಕಿ ; ಚಾಲಕ ಸ್ಯಾನಿಟೈಸರ್ ಹಾಗೂ ಸಿಗರೇಟ್ ಬಳಕೆಯನ್ನ ಒಟ್ಟಾಗಿ ಮಾಡಿದ್ದರಿಂದ ಕಾರಿಗೆ ಬೆಂಕಿ ಬಿದ್ದಿದೆ ಎಂದು ಶೀರ್ಷಿಕೆ ನೀಡಿದ್ದಾರೆ. ಗಾಳಿಯಾಡದಂತಹ ಸ್ಥಳಗಳಲ್ಲಿ ಈ ವಸ್ತುಗಳನ್ನ ಬಳಸೋದು ಅಪಾಯಕಾರಿ ಎಂತಲೂ ಹೇಳಿದ್ದಾರೆ.
Loading ...