ಪಾಲ್ ಅಲೆಕ್ಸಾಂಡರ್ ಕಬ್ಬಿಣದ ಶ್ವಾಸಕೋಶ ಹೊಂದಿರುವ ವ್ಯಕ್ತಿ ಎಂದೇ ಪ್ರಪಂಚದಾದ್ಯಂತ ಫೇಮಸ್ ಆಗಿದ್ದಾರೆ. 1952ರಿಂದ ಪಾಲ್ ಕಬ್ಬಿಣದ ಶ್ವಾಸಕೋಶದ ಮೂಲಕವೇ ಉಸಿರಾಡುತ್ತಿದ್ದಾರೆ. ಕೇವಲ 6 ವರ್ಷ ವಯಸ್ಸಿನ ಬಾಲಕನಾಗಿದ್ದಾಗಿನಿಂದ ಪಾಲ್ ಇದೇ ರೀತಿ ಕಬ್ಬಿಣದ ಶ್ವಾಸಕೋಶದ ಮೂಲಕವೇ ಉಸಿರಾಡುತ್ತಿದ್ದಾರೆ.
ಪಾಲ್ಗೆ ನಡೆಯಲು ಹಾಗೂ ಉಸಿರಾಡಲು ಆಗುತ್ತಿಲ್ಲ ಎಂದು ತಿಳಿದ ತಕ್ಷಣ ಪೋಷಕರು ಅವರನ್ನ ಆಸ್ಪತ್ರೆಗೆ ಹೊತ್ತೊಯ್ದರು. ಅಲ್ಲಿ ಪಾಲ್ ನಿಧನರಾಗಿದ್ದಾರೆ ಎಂದು ಘೋಷಿಸಲಾಯ್ತು. ಸಾಕಷ್ಟು ವೈದ್ಯಕೀಯ ತಪಾಸಣೆ ಬಳಿಕ ಪಾಲ್ಗೆ ಕಬ್ಬಿಣದ ಶ್ವಾಸಕೋಶವನ್ನ ಅಳವಡಿಸಲಾಯ್ತು. ಪಾಲ್ ಬರೋಬ್ಬರಿ 18 ತಿಂಗಳುಗಳ ಕಾಲ ಆಸ್ಪತ್ರೆಯಲ್ಲಿಯೇ ಕಾಲ ಕಳೆಯುವಂತಾಯ್ತು.
ಪಾಲ್ ಜೀವನದ ವಿಚಾರವಾಗಿ ಚಿಕ್ಕ ಡಾಕ್ಯೂಮೆಂಟರಿ ಮಾಡಲಾಗಿದ್ದು ಇದರಲ್ಲಿ ಪಾಲ್ ತಾವು ಹೇಗೆ ಕಬ್ಬಿಣದ ಶ್ವಾಸಕೋಶಕ್ಕೆ ಹೊಂದಿಕೊಂಡೆ ಎಂಬ ಕತೆಯನ್ನ ಎಳೆಎಳೆಯಾಗಿ ಬಿಚ್ಚಿಟ್ಟದ್ದಾರೆ.
ನಾನು ಎಲ್ಲರಂತೆಯೇ ಇರುತ್ತೇನೆ. ಬೆಳಗ್ಗೆ ಏಳುತ್ತೇನೆ, ಬ್ರಶ್ ಮಾಡುತ್ತೇನೆ, ಮುಖ ತೊಳೆದುಕೊಳ್ತೇನೆ ಹಾಗೂ ತಿಂಡಿಯನ್ನ ಸೇವಿಸುತ್ತೇನೆ. ನನಗೆ ಸ್ವಲ್ಪ ಸಹಾಯದ ಅವಶ್ಯಕತೆ ಇರುತ್ತದೆ. ನಾನು ಓದುತ್ತೇನೆ ಹಾಗೂ ಪೇಂಟಿಂಗ್ ಕೂಡ ಮಾಡುತ್ತೇನೆ. ನನಗೆ ಟಿವಿಯೊಂದನ್ನೇ ನೋಡ್ತಾ ಇರೋದು ಇಷ್ಟವಾಗೋದೇ ಇಲ್ಲ ಅಂತಾರೆ ಪಾಲ್.
ಶಾಲಾ ಶಿಕ್ಷಣವನ್ನ ಪೂರ್ತಿಗೊಳಿಸಿದ ಬಳಿಕ ಪಾಲ್ಗೆ ಕಾಲೇಜಿಗೆ ದಾಖಲಾತಿ ಅಷ್ಟು ಸುಲಭವಾಗಿ ದೊರೆಯಲಿಲ್ಲ. ಪಾಲ್ ಒಬ್ಬ ದಿವ್ಯಾಂಗ ಹಾಗೂ ಪೊಲಿಯೋ ಲಸಿಕೆ ಪಡೆದಿಲ್ಲ ಎಂಬ ಕಾರಣಕ್ಕೆ ದಾಖಲಾತಿ ನೀಡಲು ನಿರಾಕರಿಸಲಾಗಿತ್ತು.
2 ವರ್ಷಗಳ ಕಾಯುವಿಕೆಯ ಬಳಿಕ ಕೆಲ ಷರತ್ತುಗಳನ್ನ ವಿಧಿಸಿ ಪಾಲ್ಗೆ ದಾಖಲಾತಿ ನೀಡಲಾಯ್ತು. ಅದು ಏನೆಂದರೆ ಪಾಲ್ ಲಸಿಕೆ ತೆಗೆದುಕೊಳ್ಳಬೇಕು ಎಂದು ಹೇಳಲಾಗಿತ್ತು. ಕೊನೆಗೂ ಪಾಲ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದ್ರು. ತಮ್ಮ ಬಾಯಿಯ ಸಹಾಯದಿಂದಲೇ ಪಾಲ್ ತಮ್ಮ ಆತ್ಮ ಚರಿತ್ರೆ ‘ಇನ್ಸ್ಪೈರಿಂಗ್ ಪೀಪಲ್’ ನ್ನು ಬರೆದಿದ್ದಾರೆ.
ಏನನ್ನಾದರೂ ಸಾಧಿಸಬೇಕು ಅನ್ನೋರಿಗೆ ನ್ಯೂನ್ಯತೆಗಳು ಒಂದು ಸವಾಲು ಎಂದು ಎನಿಸೋಕೆ ಸಾಧ್ಯವೇ ಇಲ್ಲ ಎಂದು ಪಾಲ್ ಹೇಳಿದ್ದಾರೆ .
Loading ...