ನ್ಯಾಯಾಧೀಶರ ಮನೆಯಲ್ಲಿ ಪತ್ತೆಯಾಯ್ತು 2ನೇ ವಿಶ್ವಯುದ್ಧ ಕಾಲದ ಸ್ಫೋಟಕ..!

ತನ್ನ ಮನೆಯ ಗಾರ್ಡನ್​​ನಲ್ಲಿ ಹಾಲಿನ ಬಾಟಲಿ ಸಿಕ್ಕಿದೆ ಎಂದುಕೊಂಡ ನ್ಯಾಯಾಧೀಶರು ಬಳಿಕ ಇದು ಎರಡನೇ ವಿಶ್ವ ಯುದ್ಧದಲ್ಲಿ ಬಳಕೆ ಮಾಡಲಾಗಿದ್ದ ಗ್ರೆನೇಡ್​ಗಳು ಎಂದು ತಿಳಿದು ಶಾಕ್​ ಆಗಿದ್ದಾರೆ.

ಜೇಮ್ಸ್​ ಒಸ್ಬೋರ್ನ್​ ಎಂಬವರು ತಮ್ಮ ಮನೆಯಿಂದ ಹತ್ತಿರದಲ್ಲೇ ಇದ್ದ ರಾಷ್ಟ್ರೀಯ ಉದ್ಯಾನವನದಲ್ಲಿ 48 ಸ್ಪೋಟಕಗಳನ್ನ ಕಂಡಿದ್ದಾರೆ. ಈ ಸ್ಪೋಟಕಗಳು ಇದ್ದ ಜಾಗದಿಂದ ಸಮೀಪದಲ್ಲಿ ಜೇಮ್ಸ್​ ಬೆಂಕಿಯನ್ನ ಹಚ್ಚಿದ್ದರಂತೆ.

ಈ ಸ್ಪೋಟಕಗಳು ಬಾಂಬ್​ ಆಗಿದ್ದು ಇದನ್ನ ವಿಶ್ವಯುದ್ಧದ ಸಂದರ್ಭದಲ್ಲಿ ಹೋಮ್​ ಗಾರ್ಡ್​ಗಳಿಗೆ ಸ್ವಯಂ ರಕ್ಷಣೆಗಾಗಿ ವಿತರಿಸಲಾಗುತ್ತಿತ್ತು ಎನ್ನಲಾಗಿದೆ.

45 ವರ್ಷದ ಒಸ್ಬೋರ್ನ್​ ಈ ಸಕ್ರಿಯ ಬಾಂಬ್​ಗಳನ್ನ ಕಂಡು ಹಿಡಿದಿದ್ದಾರೆ. ಅವರ ಆರು ಎಕರೆ ಜಾಗದಲ್ಲಿ ಈ ಬಾಂಬ್​ನ್ನು ಪತ್ತೆ ಮಾಡಿದ್ದಾರೆ.