ಕೊರೊನಾ ಆರ್ಭಟ ಶುರುವಾದಾಗಿನಿಂದಲೂ ರೋಗಿಗಳ ಜೀವವನ್ನ ಉಳಿಸೋಕೆ ಆರೋಗ್ಯ ಸಿಬ್ಬಂದಿ ಇನ್ನಿಲ್ಲದ ಹರಸಾಹಸ ಪಡ್ತಿದ್ದಾರೆ. ವೈದ್ಯರು ಹಾಗೂ ನರ್ಸ್ಗಳು ಕೋವಿಡ್ ಸೋಂಕಿತರಿಗೆ ಧೈರ್ಯ ತುಂಬಲು ಮಾಡುತ್ತಿರುವ ಪ್ರಯತ್ನದ ಬಗೆಗಿನ ಸಾಕಷ್ಟು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಾನೇ ಇರುತ್ತೆ. ಇದೇ ಸಾಲಿಗೆ ಸೇರಿದ ಇನ್ನೊಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸಿದೆ.
ಈ ವಿಡಿಯೋದಲ್ಲಿ ಆ್ಯಮಿ ಲೈನ್ ಹೌಸನ್ ಎಂಬಾಕೆ ಕೋವಿಡ್ ಐಸಿಯು ರೂಮಿನ ಎದುರು ನಿಂತು ʼನೀನು ಒಂಟಿ ಅಲ್ಲʼ ಎಂಬ ಹಾಡನ್ನು ಹಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಾಕವಾಗಿ ಹಂಚಿಕೆಯಾಗಿದೆ. ವಿಡಿಯೋದಲ್ಲಿ ನರ್ಸ್ ಕೈಯಲ್ಲಿ ಗಿಟಾರ್ ಹಿಡಿದಿದ್ದು ಮುಖಕ್ಕೆ ಮಾಸ್ಕ್ ಹಾಕಿದ್ದಾರೆ.
ಸೋಂಕಿತರೆಲ್ಲ ತಮ್ಮ ಜೀವನದ ಕಠಿಣ ಘಟ್ಟದಲ್ಲಿದ್ದಾರೆ. ಹೀಗಾಗಿ ಈ ಸಂದರ್ಭದಲ್ಲಿ ಅವರಿಗೆ ಸಮಾಧಾನ ಎನ್ನಿಸುವ ಯಾವುದಾದರೂ ಕಾರ್ಯವನ್ನ ನಾನು ಮಾಡಬೇಕು. ಹೀಗಾಗಿ ನಾನು ಹಾಡಿನ ಮೂಲಕ ಧೈರ್ಯ ತುಂಬಿದೆ ಅಂತಾರೆ ಹೌಸನ್. ಈ ವಿಡಿಯೋ 75 ಸಾವಿರಕ್ಕೂ ಅಧಿಕ ವೀವ್ಸ್ ಪಡೆದುಕೊಂಡಿದೆ.
Loading ...