ಬಿರು ಬೇಸಿಗೆಯಲ್ಲೂ ಕರಗುವುದಿಲ್ಲ ಈ ಮಂಜುಗಡ್ಡೆ ಹೋಟೆಲ್

ಶಾಖ ಹೆಚ್ಚಾದ್ರೆ ಮಂಜುಗಡ್ಡೆಗಳು ಕರಗುತ್ವೆ ಅನ್ನೋದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಈ ಮಂಜುಗಡ್ಡೆಯಿಂದಲೇ ನಿರ್ಮಾಣವಾದ ಹೋಟೆಲ್​ ಮಾತ್ರ ವರ್ಷದ 365 ದಿನವೂ ಕರಗೋದಿಲ್ಲ. ಈ ವಿಶಿಷ್ಠ ಹೋಟೆಲ್​ನ್ನು ಉತ್ತರ ಸ್ವೀಡನ್​​ನ ಸಣ್ಣ ಹಳ್ಳಿಯೊಂದರಲ್ಲಿ ನಿರ್ಮಾಣ ಮಾಡಲಾಗಿದೆ.

2100 ಚದರ ಮೀಟರ್​ ವಿಸ್ತೀರ್ಣ ಹೊಂದಿರುವ ಈ ಮಂಜುಗಡ್ಡೆಯ ಹೋಟೆಲ್​ ಆರ್ಟ್​ ಹಾಲ್​, ಡಿಲಕ್ಸ್ ಸೂಟ್ಸ್ ಹಾಗೂ ಐಸ್​ ಬಾರ್​ನ್ನು ಹೊಂದಿದೆ. ಅಲ್ಲದೇ ಇನ್ನೊಂದು ಕೊಠಡಿಯಲ್ಲಿ ಮಂಜುಗಡ್ಡೆ ಹೋಟೆಲ್​ನ ಸಂಪೂರ್ಣ ಇತಿಹಾಸವಿದೆ. ಫೋಟೋ ಹಾಗೂ ಸಣ್ಣ ವಿಡಿಯೋವನ್ನ ನಿಮಗೆ ತೋರಿಸಲಾಗುತ್ತೆ.

ಹೊಸ ವಿಧಾನದಲ್ಲಿ ಹಾಕಿ ಆಡೋದನ್ನ ಕಲಿಸಿದ್ದಾನೆ ಈ ಪುಟಾಣಿ ಪೋರ….!

ಈ ಹೋಟೆಲ್​ನ ಮೂಲವನ್ನ ಉಕ್ಕು ಹಾಗೂ ಕಾಂಕ್ರೀಟ್​ನಿಂದ ನಿರ್ಮಾಣ ಮಾಡಲಾಗಿದೆ. ಬೇಸಿಗೆ ಸಂದರ್ಭದಲ್ಲಿ ಮಂಜುಗಡ್ಡೆ ಕರಗದಂತೆ ಮಾಡುವ ಸಲುವಾಗಿ ಮೇಲ್ಛಾವಣಿಯನ್ನ ನಿರ್ಮಿಸಲಾಗಿದೆ.

ಈ ಮಂಜುಗಡ್ಡೆಯ ಹೋಟೆಲ್​​ನಲ್ಲಿ ಬೆಳಗ್ಗೆ ಕಲಾ ವಸ್ತುಪ್ರದರ್ಶನ ಇರುತ್ತೆ ಹಾಗೂ ರಾತ್ರಿ ವೇಳೆಯಲ್ಲಿ ಹೋಟೆಲ್​​ ಸೇವೆಗಳು ಲಭ್ಯವಿರುತ್ತೆ. ಅಂದರೆ ರಾತ್ರಿ ವೇಳೆ ನೀವು ಸ್ಥಳೀಯ ಕಲಾವಿದರು ನಿರ್ಮಿಸಿದ ಐಸ್​ ಕಲಾಕೃತಿಗಳ ನಡುವೆ ಮಲಗಬಹುದಾಗಿದೆ.