ಬಾಲಿವುಡ್ ನಟಿ ಪರಿಣಿತಿ ಛೋಪ್ರಾ ಅಭಿನಯದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಜೀವನಾಧಾರಿತ ಸಿನೆಮಾ ʼಸೈನಾʼದ ಮೊದಲ ಪೋಸ್ಟರ್ ರಿಲೀಸ್ ಆಗಿದೆ. ಅಮೋಲ್ ಗುಪ್ತೆ ನಿರ್ದೇಶನದ ಈ ಸಿನಿಮಾ ಮಾರ್ಚ್ 26ರಂದು ತೆರೆ ಕಾಣಲಿದೆ.
ಶಟಲ್ಕಾಕ್ನ್ನು ಸರ್ವ್ ಮಾಡಲು ಕೈ ತಯಾರಿರುವ ರೀತಿಯಲ್ಲಿ ಪೋಸ್ಟರ್ ಚಿತ್ರಿಸಲಾಗಿದೆ. ಕೈಯಲ್ಲಿ ತ್ರಿವರ್ಣ ಧ್ವಜದ ಬ್ಯಾಂಡ್ ಇರೋದನ್ನು ನೀವು ಗಮನಿಸಬಹುದು. ಶಟಲ್ಕಾಕ್ನ ಗರಿಗಳಲ್ಲಿ ಸೈನಾ ಎಂದು ಬರೆಯಲಾಗಿದೆ.
ಸೈನಾ ಸಿನಿಮಾದ ಈ ಪೋಸ್ಟರ್ ತುಂಬಾ ಕ್ರಿಯಾಶೀಲವಾಗಿ ಮೂಡಿ ಬಂದಿದೆ. ಆದರೆ ಟ್ವೀಟಗರು ಮಾತ್ರ ಈ ಪೋಸ್ಟರ್ನ್ನು ಒಪ್ಪಿಕೊಂಡಂತೆ ಕಾಣುತ್ತಿಲ್ಲ. ಟೆನ್ನಿಸ್ ಬಾಲ್ನಂತೆ ಶಟಲ್ಕಾಕ್ನ್ನು ಯಾಕೆ ಸರ್ವ್ ಮಾಡುತ್ತಿದ್ದೀರಾ ಎಂದು ಪ್ರಶ್ನೆ ಮಾಡ್ತಿದ್ದಾರೆ.
ಇದು ಟೆನ್ನಿಸ್ ಬಾಲ್ ಸರ್ವ್ ಮಾಡುವ ರೀತಿಯಲ್ಲಿ ಇಲ್ಲವೇ..? ಬಹುಶಃ ಸೈನಾರನ್ನ ಸಾನಿಯಾ ಎಂದು ಗೊಂದಲ ಮಾಡಿಕೊಂಡಿದ್ದೀರಾ ಎಂದು ನೆಟ್ಟಿಗರೊಬ್ಬರು ಪ್ರಶ್ನೆ ಮಾಡಿದ್ದಾರೆ.
ಇನ್ನೊಬ್ಬ ಟ್ವೀಟಿಗ, ಈ ಪೋಸ್ಟರ್ ಸೈನಾ ನೆಹ್ವಾಲ್ಗಿಂತ ಸಾನಿಯಾ ಮಿರ್ಜಾ ಜೀವನ ಚರಿತ್ರೆಗೆ ಹೆಚ್ಚು ಸೂಕ್ತವಾಗಿರುವಂತೆ ಕಾಣ್ತಿದೆ ಎಂದು ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಟ್ವೀಟಿಗ, ಯಾವ ಬ್ಯಾಡ್ಮಿಂಟನ್ ಆಟಗಾರ ಈ ರೀತಿ ಶಟಲ್ ಕಾಕ್ನ್ನು ಸರ್ವ್ ಮಾಡ್ತಾನೆ ಎಂದು ಕೇಳಿದ್ದಾರೆ.
ಬ್ಯಾಡ್ಮಿಂಟನ್ನಲ್ಲಿ ಎತ್ತರದ ದಿಕ್ಕಿನಲ್ಲಿ ಸರ್ವ್ ಮಾಡಲಾಗುತ್ತೆ. ಬ್ಯಾಡ್ಮಿಂಟನ್ ನಿಯಮಾವಳಿಗಳ ಪ್ರಕಾರ ಇಲ್ಲಿ ನಿಮಗೆ ಟೆನ್ನಿಸ್ ಮಾದರಿಯ ಸರ್ವ್ ಮಾಡಲು ಅವಕಾಶ ಇರೋದಿಲ್ಲ.
Loading ...