ದೇಶದಲ್ಲಿ ಈಗ ಆನ್ಲೈನ್ ವಂಚಕರದ್ದೇ ಹಾವಳಿ ಎಂಬಂತಾಗಿದೆ. ನಕಲಿ ಮೆಸೇಜ್ಗಳು, ನಕಲಿ ಅಪ್ಲಿಕೇಶನ್ಗಳ ಮೂಲಕ ಜನರನ್ನ ವಂಚನೆಯ ದಾಳಕ್ಕೆ ನೂಕುವ ಕೆಲಸ ಮಾಡಲಾಗುತ್ತಿದೆ. ಹೀಗಾಗಿ ಇಂತಹ ಯಾವುದೇ ಮೋಸದ ಜಾಲಕ್ಕೆ ಬಲಿಯಾಗದಿರಿ ಎಂದು ಗ್ರಾಹಕರಿಗೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ವಿಶೇಷ ಸಲಹೆ ನೀಡಿದೆ.
ನಕಲಿ ವಂಚನೆ ವಿರುದ್ಧ ಗ್ರಾಹಕರನ್ನ ಎಚ್ಚರಿಸುವ ಸಲುವಾಗಿ ಎಸ್ಬಿಐ ಮುಖ್ಯ ಸಂದೇಶವೊಂದನ್ನ ರವಾನಿಸಿದೆ. ಈ ಮೆಸೇಜ್ನಲ್ಲಿ ಎಟಿಎಂ ಕಾರ್ಡ್, ಒಟಿಪಿ, ಎಟಿಎಂ ಪಿನ್ ಹಾಗೂ ಸಿವಿವಿಗಳನ್ನ ಬ್ಯಾಂಕ್ ಹೆಸರನ್ನ ಹೇಳಿಕೊಂಡು ಕರೆ ಇಲ್ಲವೇ ಮೆಸೇಜ್ ಮಾಡುವ ಯಾರೊಂದಿಗೂ ಶೇರ್ ಮಾಡದಂತೆ ಎಚ್ಚರಿಕೆ ನೀಡಿದೆ.
ಗ್ರಾಹಕರಿಗೆ ಎಸ್ಬಿಐ ನೀಡಿರುವ ಎಚ್ಚರಿಕೆಯ ಸಂದೇಶ ಹೀಗಿದೆ:
1. ಯಾರಿಗೂ ಕೂಡ ಎಂದಿಗೂ ನಿಮ್ಮ ವೈಯಕ್ತಿಕ ಮಾಹಿತಿ, ಕಾರ್ಡ್ ವಿವರ, ಸಿವಿವಿ ಹಾಗೂ ಒಟಿಪಿ ಶೇರ್ ಮಾಡುವಂತಿಲ್ಲ.
2. ಗೊತ್ತೇ ಇರದ ಲಿಂಕ್ಗಳನ್ನ ಕುತೂಹಲಕ್ಕೆಂದೂ ಎಂದಿಗೂ ತೆರೆಯದಿರಿ. ಮೊದಲು ಮೆಸೇಜ್ನ ಸರಿಯಾಗಿ ಓದಿ ಅದು ಎಸ್ಬಿಐನಿಂದಲೇ ಬಂದಿದೆ ಎಂದು ಖಾತ್ರಿಯಾದ ಬಳಿಕ ಮುಂದಿನ ಕ್ರಮ ಕೈಗೊಳ್ಳಿ.
3. ನೀವು ಎಟಿಎಂ ಬಳಕೆ ಮಾಡುವ ವೇಳೆ ನಿಮ್ಮ ಹಿಂದೆ ಯಾರಾದರೂ ನಿಂತಿರೋದು ಗಮನಕ್ಕೆ ಬಂದಲ್ಲಿ, ಕೀಪ್ಯಾಡ್ನ್ನು ಕವರ್ ಮಾಡಿಕೊಂಡು ನಿಮ್ಮ ಎಟಿಎಂ ಪಿನ್ ನಮೂದಿಸಿ.
4. ನಿಮ್ಮ ಎಸ್ಬಿಐ ಕಾರ್ಡ್ ಮೇಲೆ ಎಂದಿಗೂ ಪಾಸ್ವರ್ಡ್ನ್ನು ಬರೆದಿಡಬೇಡಿ.
5. ನಿಮ್ಮ ಜನ್ಮದಿನಾಂಕಕ್ಕೆ ಹೋಲುವಂತಹ ಅಂಕಿಗಳನ್ನ ಎಟಿಎಂ ಪಿನ್ ಮಾಡಿಕೊಳ್ಳಬೇಡಿ.
Loading ...