ಸುಮಾರು 3.3 ಲಕ್ಷ ಭಾರತೀಯರ ಬ್ಯಾಂಕ್ ಖಾತೆ ಹಾಗೂ ಕೆವೈಸಿ ದಾಖಲೆ ಸೇರಿದಂತೆ ಸೂಕ್ಷ್ಮ ಹಣಕಾಸು ವಿವರಗಳನ್ನ ಡಾರ್ಕ್ ವೆಬ್ನಲ್ಲಿ ಹ್ಯಾಕರ್ಸ್ ಗುಂಪು ಸೋರಿಕೆ ಮಾಡಿದ ಎಂಬ ಆಘಾತಕಾರಿ ಮಾಹಿತಿಯನ್ನ ಸೈಬರ್ ಭದ್ರತಾ ಸಂಶೋಧಕ ರಾಜಶೇಖರ್ ರಾಜ ಹರಿಯಾ ನೀಡಿದ್ದಾರೆ.
ಕ್ರಿಪ್ಟೋ ಕರೆನ್ಸಿ ಎಕ್ಸ್ಚೇಂಜ್ ಕಂಪನಿಯಾದ ಬೈ ಯು ಕಾಯಿನ್ನ ಡೇಟಾ ಬೇಸ್ ಉಲ್ಲಂಘನೆಯಿಂದ ಈ ರೀತಿ ಆಗಿದೆ ಎಂದು ಆರೋಪಿಸಲಾಗಿದೆ.
ಬೈ ಯು ಕಾಯಿನ್ ಡೇಟಾ ಬೇಸ್ ಉಲ್ಲಂಘನೆ ಆರೋಪವನ್ನ ನಿರಾಕರಿಸಿದೆ. ದಾಖಲೆಗಳನ್ನ ಲೀಕ್ ಮಾಡಿದರ ಬಗ್ಗೆ ಶೈನಿ ಹಂಟರ್ಸ್ ಹ್ಯಾಕರ್ಸ್ ಗುಂಪು ಇದೆ ಎಂದು ರಾಜಹರಿಯಾ ಹೇಳಿದ್ದಾರೆ. ಈ ಗುಂಪು 6 ಜಿಬಿ ಭಾರತೀಯರ ಮಾಹಿತಿಯನ್ನ ಡಾರ್ಕ್ ವೆಬ್ನಲ್ಲಿ ಉಚಿತವಾಗಿ ಹಂಚಿಕೊಂಡಿದೆ. ಈ ಬಗ್ಗೆ ರಾಜಹರಿಯಾ ಸ್ಕ್ರೀನ್ಶಾಟ್ಗಳನ್ನೂ ಶೇರ್ ಮಾಡಿದ್ದಾರೆ.
ಭಾರತೀಯ ಬಳಕೆದಾರರ ಹೆಸರು, ಫೋನ್ ಸಂಖ್ಯೆ, ಪ್ಯಾನ್ ಸಂಖ್ಯೆ, ಇಮೇಲ್ ವಿಳಾಸ, ಬ್ಯಾಂಕ್ ವಿವರಗಳನ್ನ ಲೀಕ್ ಮಾಡಲಾಗಿದೆ. ಕ್ರಿಪ್ಟೋಕರೆನ್ಸಿಗಳನ್ನ ಖರೀದಿ ಮಾಡೋಕೆ ಬೈ ಯು ಕಾಯಿನ್ ಗ್ರಾಹಕರಿಂದ ಈ ಮಾಹಿತಿಯನ್ನ ಸಂಗ್ರಹಿಸುತ್ತೆ.
Loading ...