2020ನೇ ಇಸ್ವಿ ಕೊನೆಗೊಳ್ಳೋಕೆ ಇನ್ನೇನು ಕೆಲವೇ ಗಂಟೆಗಳು ಬಾಕಿ ಉಳಿದಿದೆ. ಕೊರೊನಾ ವೈರಸ್ ಸಂಕಷ್ಟವನ್ನೇ ಹೊತ್ತುತಂದ 2020 ಅಂತ್ಯ ಕಾಣ್ತಾ ಇದ್ದು ಮುಂದಿನ ವರ್ಷಕ್ಕೆ ಯಾವುದೇ ಸಾಂಕ್ರಾಮಿಕದ ಕರಿ ನೆರಳು ಬಾಧಿಸದೇ ಇರಲಿ ಅಂತಾ ಜನರು ಪ್ರಾರ್ಥನೆ ಮಾಡ್ತಿದ್ದಾರೆ.
ಈ ನಡುವೆ ಗೂಗಲ್ ಡೂಡಲ್ 2021ನ್ನ ಸ್ವಾಗತ ಮಾಡೋಕೆ ಸಜ್ಜಾಗಿದ್ದು ಗೂಗಲ್ ಲೋಗೋದಲ್ಲಿ ಗಡಿಯಾರದ ಆಕೃತಿಯನ್ನ ಅಳವಡಿಸಿದೆ. ಗೂಗಲ್ ಲೋಗೋದಲ್ಲಿ ಮನೆಯ ಆಕಾರದ ಒಳಗೆ ಗಡಿಯಾರದ ಆಕೃತಿ ಹಾಗೂ ಸಂಪೂರ್ಣ ಲೋಗೋವನ್ನ ಲೈಟಿನ ಮಾಲೆಯಲ್ಲಿ ಅಲಂಕರಿಸಿದ ರೀತಿಯಲ್ಲಿ ಚಿತ್ರಿಸಲಾಗಿದೆ.
ಇನ್ನು ಇದರ ಜೊತೆಯಲ್ಲಿ ಗೂಗಲ್ ಬಳಕೆದಾರರಿಗೆ ಮಿನಿ ಗೇಮ್ ಒಂದನ್ನೂ ಗೂಗಲ್ ಅಳವಡಿಸಿದೆ. ಗೂಗಲ್ ಲೋಗೋ ಮೇಲೆ ಕ್ಲಿಕ್ ಮಾಡಿದರೆ ನಿಮಗೆ ಕೋನಿನ ಆಕಾರದ ಆಕೃತಿಯೊಂದು ಕಾಣಸಿಗುತ್ತೆ.
ಅದರ ಮೇಲೆ ಕ್ಲಿಕ್ ಮಾಡಿದ್ರೆ ನಿಮ್ಮ ಗೂಗಲ್ ಪೇಜ್ ತುಂಬಾ ಬಣ್ಣದ ಬಣ್ಣದ ಆಕೃತಿ ಚಿಮ್ಮಿದಂತೆ ಭಾಸವಾಗುತ್ತೆ. ಈ ಮೂಲಕ ಯಾವುದೇ ಪಾರ್ಟಿಯಲ್ಲಿ ಭಾಗಿಯಾಗದೇ ಮನೆಯಲ್ಲೇ ಕೂತು ಹೊಸ ವರ್ಷಕ್ಕೆ ಕಾಯುತ್ತಿರುವ ಮಂದಿಗೆ ಗೂಗಲ್ ಪಾರ್ಟಿ ಕಿಕ್ನ್ನ ನೀಡಿದೆ.
Loading ...