ಜಗಮೆಚ್ಚಿನ ಡಾನ್ಸರ್‌ ಮೈಕೆಲ್ ಜಾಕ್ಸನ್ ಮೃತಪಟ್ಟು ಹತ್ತು ವರ್ಷಗಳ ಬಳಿಕ ಅವರ ಎಸ್ಟೇಟ್ ಒಂದನ್ನು ಮಾರಾಟ ಮಾಡಲಾಗಿದೆ. ಕ್ಯಾಲಿಫೋರ್ನಿಯಾದ ನೆವರ್ಲೆಂಡ್ ರಾಂಚ್‌ ಎಂಬಲ್ಲಿರುವ ಈ ಎಸ್ಟೇಟ್‌ನಲ್ಲಿ ಚಿಕ್ಕ ಹುಡುಗನಿಗೆ ಲೈಂಗಿಕ ಕಿರುಕುಳ ಕೊಟ್ಟ ಆಪಾದನೆ ಮೇಲೆ ವಿಚಾರಣೆ ಎದುರಿಸಿದ ಬಳಿಕ ಈ ಜಾಗ ತೊರೆದಿದ್ದರು ಜಾಕ್ಸನ್.
ಶತಕೋಟ್ಯಧೀಶ ಹೂಡಿಕೆದಾರೂ ಹಾಗೂ ಜಾಕ್ಸನ್ ಕುಟುಂಬದ ಹಳೆಯ ಸ್ನೇಹಿತರೂ ಆದ ರಾನ್ ಬರ್ಕ್ಲೆ 2700 ಎಕರೆ ವಿಸ್ತಾರದ ಈ ಎಸ್ಟೇಟ್ ಅನ್ನು ಖರೀದಿ ಮಾಡಿದ್ದಾರೆ. $22 ದಶಲಕ್ಷಕ್ಕೆ ಈ ಎಸ್ಟೇಟ್ ಮಾರಾಟವಾಗಿದೆ ಎಂದು ವಾಲ್‌ ಸ್ಟ್ರೀಟ್ ಜರ್ನಲ್‌ನಲ್ಲಿ ವರದಿಯಾಗಿದೆ.
ಪ್ರೊಫೋಲ್ ಅನಸ್ತೇಷಿಯಾದ ಓವರ್‌ಡೋಸ್‌ನಿಂದ 2009ರಲ್ಲಿ ಮೃತಪಟ್ಟ ಜಾಕ್ಸನ್‌ಗೆ ಆಗ 50 ವರ್ಷ ವಯಸ್ಸಾಗಿತ್ತು. ಲಾಸ್ ಏಂಜಿಲೀಸ್‌ನಿಂದ 193 ಕಿಮೀ ಉತ್ತರಕ್ಕೆ ಇರುವ ಈ ಆಸ್ತಿಯನ್ನು ಜಾಕ್ಸನ್ 1988ರಲ್ಲಿ $19.5 ದಶಲಕ್ಷಕ್ಕೆ ಖರೀದಿ ಮಾಡಿದ್ದರು.
Loading ...