ಕೊರೊನಾ ಸಂಕಷ್ಟದಿಂದಾಗಿ ಈ ಬಾರಿಯ ಕ್ರಿಸ್ಮಸ್ ಆಚರಣೆ ಬಹಳ ವಿಭಿನ್ನವಾಗಿದೆ. ಪ್ರತಿ ವರ್ಷದಂತೆ ಈ ಬಾರಿ ದೂರದ ಕುಟುಂಬಸ್ಥರ ಜೊತೆ ಇಲ್ಲವೇ ಪ್ರೀತಿ ಪಾತ್ರರ ಜೊತೆ ಸೇರಿ ಹಬ್ಬ ಆಚರಣೆ ಮಾಡೋಕೆ ಸಾಧ್ಯವಿಲ್ಲ. ಹೀಗಾಗಿ ಫೇಸ್ಬುಕ್ ಒಡೆತನದ ವಾಟ್ಸಾಪ್ ಕ್ರಿಸ್ಮಸ್ ಹಬ್ಬಕ್ಕೆ ಶುಭಕೋರ ಬಯಸುವ ಬಳಕೆದಾರರಿಗೆ ಹೊಸ ಸೌಲಭ್ಯ ನೀಡಿದೆ.
ಸಾಮಾಜಿಕ ಅಂತರದಿಂದ ಹಬ್ಬದ ಸಂಭ್ರಮಕ್ಕೆ ಕೊರತೆಯಾಗೋದು ಬೇಡ ಅಂತಾ ವಾಟ್ಸಾಪ್ ಕ್ರಿಸ್ಮಸ್ ಹಬ್ಬಕ್ಕೆಂದೇ ವಿಶೇಷವಾಗಿ ಸ್ಟಿಕರ್ಗಳನ್ನ ಲಾಂಚ್ ಮಾಡಿದೆ. ನಿಮ್ಮ ಭಾವನೆಗಳನ್ನ ಹೊರ ಹಾಕೋಕೆ ವಾಟ್ಸಾಪ್ ಸ್ಟಿಕರ್ಸ್ ತುಂಬಾನೇ ಸಹಾಯ ಮಾಡುತ್ತೆ. ಹೀಗಾಗಿ ಸಾಮಾಜಿಕ ಅಂತರ ಕಾಪಾಡಬೇಕಾದ ಈಗಿನ ಪರಿಸ್ಥಿತಿಯಲ್ಲಿ ನಿಮ್ಮ ಹಬ್ಬದ ಸಂಭ್ರಮ ಮಂಕಾಗಬಾರದೆಂದು ಈ ಸ್ಟಿಕರ್ಸ್ ನೀಡುತ್ತೇವೆ ಎಂದು ವಾಟ್ಸಾಪ್ ಹೇಳಿದೆ.
ಈ ಸ್ಟಿಕರ್ಸ್ಗಳನ್ನ ಡೌನ್ಲೋಡ್ ಮಾಡಲು ನೀವು ಹೆಚ್ಚೇನು ಮಾಡಬೇಕಾಗಿಲ್ಲ. ವಾಟ್ಸಾಪ್ನಲ್ಲಿ ಸ್ಟಿಕರ್ ಆಯ್ಕೆಯನ್ನ ಕ್ಲಿಕ್ ಮಾಡಿ. ಅಲ್ಲಿರುವ ಪ್ಲಸ್ ಆಯ್ಕೆಯನ್ನ ಪ್ರೆಸ್ ಮಾಡಿ. ಇಲ್ಲಿ ನಿಮಗೆ ಕ್ರಿಸ್ಮಸ್ ಸ್ಟಿಕರ್ ಸಿಗಲಿದ್ದು ನೀವು ಡೌನ್ ಲೋಡ್ ಮಾಡಿಕೊಂಡು ಬಳಕೆ ಮಾಡಬಹುದಾಗಿದೆ.
Loading ...