ಮಗನಂತೆ ಸಾಕಿದ ಘೇಂಡಾಮೃಗದಿಂದಲೇ ನಿವೃತ್ತ ಸೇನಾಧಿಕಾರಿ ಸಾವು

’ನನ್ನ ಮಗ’ ಎಂದು ಹೇಳಿಕೊಂಡು ಪ್ರೀತಿಯಿಂದ ಸಾಕುತ್ತಿದ್ದ ಘೇಂಡಾಮೃಗದ ದಾಳಿಗೆ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ದಕ್ಷಿಣ ಆಫ್ರಿಕಾದಲ್ಲಿ ಜರುಗಿದೆ. ದೈತ್ಯಜೀವಿಯ ಬಾಯಿಂದ ಅನೇಕ ಬಾರಿ ಕಚ್ಚಿಸಿಕೊಂಡ ಗುರುತುಗಳಿರುವ ರೈತ ಮಾರಿಯಸ್ ಎಲ್ಸ್‌ ದೇಹವು ನದಿಯೊಂದರ ಬಳಿ ಸಿಕ್ಕಿದೆ.

ಇಲ್ಲಿನ ಫ್ರೀ ಸ್ಟೇಟ್‌ ಪ್ರಾಂತ್ಯದ ನಿವಾಸಿಯಾದ ಎಲ್ಸ್‌, ಘೇಂಡಾಮೃಗದ ಬೆನ್ನೇರಿ ಸವಾರಿ ಮಾಡುತ್ತಿರುವ ವಿಡಿಯೋವೊಂದು ವೈರಲ್ ಆಗಿತ್ತು. ಹಂಫ್ರೆ ಎಂದು ಹೆಸರಿಟ್ಟಿರುವ ಆರು ವರ್ಷದ ಈ ಹಿಪ್ಪೋ, ತನ್ನ ಮನೆಯ ಬಳಿ ಇರುವ ವಾಲ್ ನದಿಯ ಬಳಿಗೆ ಎಳೆದುಕೊಂಡು ಆತನನ್ನು ಕೊಂದು ಹಾಕಿದೆ.

ಯಾವಾಗಲೂ ಹಿಪ್ಪೋ ಜೊತೆಗೆ ಆಟವಾಡಿಕೊಂಡು ಇರುತ್ತಿದ್ದ ಎಲ್ಸ್‌, ಅದರೊಂದಿಗೆ ಜಾಲಿಯಾಗಿ ಈಜಾಡಿಕೊಂಡು, ಕುದುರೆಯಂತೆ ಅದರ ಬೆನ್ನಿನ ಮೇಲೆ ಸವಾರಿ ಮಾಡುತ್ತಿದ್ದರು.

ತಮ್ಮ ಹೃದಯದಲ್ಲಿ ಹಂಫ್ರೆಗೆ ಸ್ಥಾನ ಕೊಟ್ಟಿರುವುದಾಗಿ ಹೇಳಿಕೊಂಡಿದ್ದ ಎಲ್ಸ್‌, ಸೇನೆಯಲ್ಲಿ ಮೇಜರ್‌ ಹುದ್ದೆಯಲ್ಲಿ ಕರ್ತವ್ಯದಲ್ಲಿದ್ದರು.