‘ಬಿಗ್ ಬಾಸ್’ ವೀಕ್ಷಕರಿಗೆ ಭರ್ಜರಿ ಸುದ್ದಿ: ಹೊಸ ಸೀಸನ್ ಶೀಘ್ರವೇ ಶುರು, 16 ಸೆಲೆಬ್ರಿಟಿಗಳು ಭಾಗಿ

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಹೋಸ್ಟ್ ಮಾಡುವ ‘ಬಿಗ್ ಬಾಸ್’ ಸೀಸನ್ 8 ಜನವರಿ ಮೂರನೇ ವಾರದಿಂದ ಆರಂಭವಾಗಲಿದೆ. ಈ ಬಾರಿ 16 ಸೆಲೆಬ್ರಿಟಿಗಳು ಸ್ಪರ್ಧಿಗಳಾಗಿ ಭಾಗಿಯಾಗಲಿದ್ದಾರೆ.

ಕೊರೋನಾ ಕಾರಣದಿಂದ ಈ ಬಾರಿ ‘ಬಿಗ್ ಬಾಸ್’ ಆರಂಭವಾಗಿರಲಿಲ್ಲ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಜನವರಿ ಮೂರನೇ ವಾರದಿಂದ ಸೀಸನ್ 8 ಆರಂಭವಾಗಲಿದೆ. 16 ಮಂದಿ ಸೆಲೆಬ್ರಿಟಿಗಳು ಸ್ಪರ್ಧಿಗಳಾಗಿ ಭಾಗವಹಿಸಲಿದ್ದು, ಸುದೀಪ್ ಅವರೇ ಈ ಸೀಸನ್ ನಿರೂಪಿಸಲಿದ್ದಾರೆ.

ಕಲರ್ಸ್ ಕನ್ನಡ ಬ್ಯುಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಈ ಬಗ್ಗೆ ಮಾತನಾಡಿ, ‘ಬಿಗ್ ಬಾಸ್’ ಸೀಸನ್ ಆರಂಭಿಸಲು ಸಿದ್ಧತೆಗಳು ಆರಂಭವಾಗಿವೆ. 100 ದಿನಗಳ ಕಾಲ ನಡೆಯಲಿರುವ ‘ಬಿಗ್ ಬಾಸ್’ ಸೀಸನ್ 8 ಕುರಿತಾಗಿ ಹೆಚ್ಚಿನ ಮಾಹಿತಿಯನ್ನು ಶೀಘ್ರವೇ ನೀಡಲಾಗುವುದು ಎಂದು ಹೇಳಿದ್ದಾರೆ.

ಬಿಡದಿಯಲ್ಲಿ ಬಿಗ್ ಬಾಸ್ ಮನೆಯ ಮರುನಿರ್ಮಾಣ ಕಾರ್ಯ ನಡೆದಿದ್ದು, ಡಿಸೆಂಬರ್ ಕೊನೆಯ ವೇಳೆಗೆ ಕೆಲಸಗಳು ಮುಗಿಯಲಿದ್ದು, ಸಂಕ್ರಾಂತಿ ನಂತರ ಜನವರಿ ಮೂರನೇ ವಾರದಲ್ಲಿ ಕೊರೋನಾ ಸುರಕ್ಷತಾ ನಿಯಮಗಳೊಂದಿಗೆ ಹೊಸ ಸೀಸನ್ ಶುರುವಾಗಲಿದೆ.