ಅಬ್ಬಬ್ಬಾ..! ರಾಜ ಮನೆತನಕ್ಕೆ ಸೇರಿದ ಈ ಶೂ ಬೆಲೆ ಎಷ್ಟು ಗೊತ್ತಾ..?

ಫ್ರಾನ್ಸ್​ನ ಕೊನೆಯ ರಾಣಿ ಮೇರಿ ಆಂಟೋನೊಯೇಟ್​ಗೆ ಸೇರಿದ ರೇಷ್ಮೆ ಹಾಗೂ ಕುರಿಯ ಚರ್ಮದಿಂದ ತಯಾರಿಸಲಾಗಿದ್ದ ಶ್ವೇತ ವರ್ಣದ ಶೂ 38,53,793.81 ರೂಪಾಯಿಗೆ ಮಾರಾಟವಾಗಿದೆ.

8.8 ಇಂಚು ಉದ್ದದ ಹೀಲ್ಡ್ ಶೂ ಯುರೋಪಿಯನ್​ ಅಳತೆ ಪ್ರಕಾರ 36ಕ್ಕೆ ಸಮನಾಗಿದೆ. ನಾಲ್ಕು ರಿಬ್ಬನ್​ಗಳಿಂದ ಅಲಂಕೃತಗೊಂಡ ಈ ಶೂನ ರೇಷ್ಮೆ ಬಟ್ಟ ಕೊಂಚ ಮಾಸಿದೆ ಅನ್ನೋದನ್ನ ಬಿಟ್ಟರೆ ಶೂ  ಉತ್ತಮ ಸ್ಥಿತಿಯಲ್ಲಿದೆ ಅಂತಾ ಹರಾಜು ಸಂಘಟಕರು ಹೇಳಿದ್ದಾರೆ.

ಒಂದು ಕಾಲದಲ್ಲಿ ಫ್ರಾನ್ಸ್ ರಾಜಮನೆತನದ ನೆಲೆಯಾಗಿದ್ದ ಪ್ಯಾರಿಸ್​​ನ ಪಶ್ಚಿಮ ಪಟ್ಟಣವಾದ ವರ್ಸೈಲ್​​ನಲ್ಲಿ ಈ ಮಾರಾಟ ಪ್ರಕ್ರಿಯೆ ನಡೆದಿದೆ.