ಅಕ್ರಮ ಗಾಂಜಾ ಸಂಗ್ರಹ ಆರೋಪದಡಿಯಲ್ಲಿ ಬಾಲಿವುಡ್ ನಿರ್ಮಾಪಕ ಫಿರೋಜ್ ನಾಡಿಯಾದ್ವಾಲಾ ಪತ್ನಿ ಬಂಧನಕ್ಕೊಳಗಾಗಿದ್ದಾರೆ. ಮುಂಬೈ ಎನ್ಸಿಬಿ ಕಾರ್ಯಾಚರಣೆ ವೇಳೆ 10 ಗ್ರಾಂ ಮರಿಜುವಾನಾ ಪತ್ತೆಯಾಗಿತ್ತು.
ಅಕ್ರಮ ಗಾಂಜಾ ಸಂಗ್ರಹ ಆರೋಪದಡಿಯಲ್ಲಿ ಕಳೆದ ಕೆಲ ದಿನಗಳ ಹಿಂದೆ ಫೀರೋಜ್ರಿಗೆ ಮಾದಕ ವಸ್ತು ನಿಗ್ರಹ ದಳದಿಂದ ಸಮನ್ಸ್ ನೀಡಲಾಗಿತ್ತು. ಆದರೂ ಅವರು ಕಚೇರಿಗೆ ಹಾಜರಾಗಿರಲಿಲ್ಲ.
ಇದೀಗ ಅವರ ಪತ್ನಿಯನ್ನ ಬಂಧಿಸಲಾಗಿದ್ದು ತನಿಖೆ ನಡೆಸುತ್ತಿದ್ದೇವೆ ಅಂತಾ ಎನ್ಸಿಬಿ ಮುಂಬೈ ವಲಯ ನಿರ್ದೇಶಕ ಸಮೀರ್ ವಾಂಖೆಡೆ ಮಾಹಿತಿ ನೀಡಿದ್ದಾರೆ.
ಅಕ್ರಮ ಗಾಂಜಾ ಮಾರಾಟ ಆರೋಪದಡಿ ಜೈಲು ಪಾಲಾಗಿರುವ ವಾಹಿದ್ ಅಬ್ದುಲ್ ಖಾದಿರ್ ಶೇಖ್ ಸುಲ್ತಾನ್ರಿಂದ ಈ ಗಾಂಜಾ ಖರೀದಿ ಮಾಡಲಾಗಿದೆ ಎಂಬ ಅಂಶ ತನಿಖೆ ವೇಳೆ ತಿಳಿದು ಬಂದಿದೆ.
ಪ್ರಕರಣ ಸಂಬಂಧ ಫಿರೋಜ್ ನಾಡಿಯಾದ್ವಾಲಾ ಪತ್ನಿ ಶಬಾನಾ ಸಯೀದ್ ಹೇಳಿಕೆ ದಾಖಲಿಸಿಕೊಂಡ ಬಳಿಕ ಸೆಕ್ಷನ್ 67ರ ಅಡಿಯಲ್ಲಿ ಬಂಧಿಸಲಾಗಿದೆ ಅಂತಾ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
Loading ...