ಕಣ್ಣು ಮುಚ್ಚಿಕೊಂಡೇ 49 ತೆಂಗಿನಕಾಯಿ ಒಡೆದು ಸಾಧನೆ

ಮಾರ್ಷಲ್​ ಆರ್ಟ್​ ಮಾಸ್ಟರ್​​ ಪಿ. ಪ್ರಭಾಕರ್​ ಮತ್ತವರ ವಿದ್ಯಾರ್ಥಿ ಬೊಯಿಲ್ಲಾ ರಾಕೇಶ್ ಕಣ್ಣು ಮುಚ್ಚಿಕೊಂಡೇ 49 ತೆಂಗಿನಕಾಯಿಗಳನ್ನ 1 ನಿಮಿಷದಲ್ಲಿ ಒಡೆಯೋ ಮೂಲಕ ಗಿನ್ನೆಸ್ ದಾಖಲೆ ಬರೆದಿದ್ದಾರೆ.

ಆಂಧ್ರ ಪ್ರದೇಶದ ನೆಲ್ಲೋರ್​ನ ಪಿ. ಫ್ರಭಾಕರ್ & ಟೀಂ ಈ ದಾಖಲೆ ಬರೆದಿದೆ. ವಿದ್ಯಾರ್ಥಿ ರಾಕೇಶ್​ರನ್ನ ನೆಲದ ಮೇಲೆ ಮಲಗಿಸಿ ಅವರ ಸುತ್ತ ತೆಂಗಿನಕಾಯಿಗಳನ್ನ ಇಡಲಾಗಿತ್ತು. ಬಳಿಕ ಕಣ್ಣನ್ನ ಬಟ್ಟೆಯಲ್ಲಿ ಕಟ್ಟಿಕೊಂಡ ಪ್ರಭಾಕರ್​ ಒಂದೇ ನಿಮಿಷದಲ್ಲಿ ಸುತ್ತಿಗೆಯಿಂದ 49 ತೆಂಗಿನಕಾಯಿಗಳನ್ನ ಒಡೆದಿದ್ದಾರೆ.

ಸೆಪ್ಟೆಂಬರ್​ 15ರಂದು ನೆಲ್ಲೋರ್​ನಲ್ಲಿ ಪ್ರಭಾಕರ್​ & ಟೀಂ ಈ ಸಾಧನೆ ಮಾಡಿದೆ. ಪ್ರಭಾಕರ್​ 1 ನಿಮಿಷದಲ್ಲಿ 35 ತೆಂಗಿನಕಾಯಿಗಳನ್ನ ಒಡೆಯೋಕೆ ಪ್ಲಾನ್​ ಮಾಡಿದ್ದರು. ಆದರೆ 49 ತೆಂಗಿನ ಕಾಯಿಗಳನ್ನ ಒಡೆದು ಸಾಧನೆ ಮಾಡಿದ್ರು. ಇನ್ನು ಈ ವಿಚಾರವಾಗಿ ಮಾತನಾಡಿದ ಪ್ರಭಾಕರ್​, ನಾವು ಕಳೆದ 6 ತಿಂಗಳಿನಿಂದ ತರಬೇತಿ ಮಾಡುತ್ತಲೇ ಇದ್ದೆವು. 35 ತೆಂಗಿನಕಾಯಿಗಳನ್ನ ಒಡೆದು ಹಳೆಯ ರೆಕಾರ್ಡ್​ನ್ನ ಮೀರಬೇಕು ಅನ್ನೋದು ನಮ್ಮ ಗುರಿಯಾಗಿತ್ತು. ಆದರೆ ಇದೀಗ 49 ತೆಂಗಿನ ಕಾಯಿಗಳನ್ನ ಒಡೆದಿರೋದು ಖುಷಿ ತಂದಿದೆ ಅಂತಾ ಹೇಳಿದ್ರು.

ಇದು ನನ್ನ ಮೊದಲ ಗಿನ್ನೆಸ್​ ರೆಕಾರ್ಡ್. ನನ್ನ ಸಾಧನೆ ಕಂಡು ನನ್ನ ಪೋಷಕರು ತುಂಬಾನೇ ಖುಷಿಯಾಗಿದ್ದಾರೆ ಅಂತಾ ಸಂತಸ ವ್ಯಕ್ತಪಡಿಸ್ತಾರೆ ವಿದ್ಯಾರ್ಥಿ ರಾಕೇಶ್​.