ನೋಡುಗರೆಲ್ಲಾ ಬಿದ್ದು ಬಿದ್ದು ನಗುವಂತೆ ಮಾಡುವ ವಿಡಿಯೋವೊಂದರಲ್ಲಿ, ಬೆಕ್ಕೊಂದು ದುಡ್ಡಿನ ಕಂತೆಯೊಂದಿಗೆ ಓಡಿ ಹೋಗಲು ಯತ್ನಿಸಿದಾಗ, ಅದನ್ನು ಹಿಡಿದುಕೊಂಡ ವ್ಯಕ್ತಿಯೊಬ್ಬರು ಅದರ ಪ್ಲಾನ್‌ ಎಲ್ಲಾ ಹಾಳು ಮಾಡಿದ್ದನ್ನು ನೋಡಿದ ನೆಟ್ಟಿಗರಿಗೆ ಬಲೇ ಮನರಂಜನೆ ಸಿಕ್ಕಿದೆ.
ರಷ್ಯಾದ ಪಬ್ ಒಂದರಲ್ಲಿ ಈ ವಿಡಿಯೋವನ್ನು ಸೆರೆ ಹಿಡಿಯಲಾಗಿದೆ. ಈ ವಿಡಿಯೋದಲ್ಲಿ ಮಿಂಚುತ್ತಿರುವ ಬೆಕ್ಕು, ಆ ಪಬ್‌ನ ಮಾಲೀಕರದ್ದಾಗಿದೆ. ಇಲ್ಲಿನ ಅನಾಪಾ ಎಂಬ ಊರಿನಲ್ಲಿ ಈ ಪಬ್ ಇದ್ದು, ಬೆಕ್ಕನ್ನು ಬೀದಿಯೊಂದರಿಂದ ಎತ್ತುಕೊಂಡ ಬಂದ ಪಬ್‌ನ ಯಜಮಾನಿ ನಡ್‌ಝೆಡಾ ವೊಡೋಲಾಝ್‌ಸಕ್ಯಾ ಅದನ್ನು ಪ್ರೀತಿಯಿಂದ ಸಾಕಿದ್ದಾರೆ.
ಈ ಬೆಕ್ಕಿಗೆ ಮಸ್ಯಾನ್ಯಾ ಎಂದು ಹೆಸರಿಟ್ಟಿದ್ದಾರೆ. ಮಸ್ಯಾನ್ಯಾ ಈ ಹಿಂದೆಯೂ ಸಹ ಹೀಗೇ ತುಂಟುತನ ಮಾಡಿಕೊಂಡು ದುಡ್ಡಿನ ಕಂತೆಯನ್ನು ಹೊತ್ತೊಯ್ಯುತ್ತಿದ್ದ ವೇಳೆ ಸಿಕ್ಕಿಬಿದ್ದಿತ್ತು.
https://www.instagram.com/p/CC0hd0Gjv5O/?utm_source=ig_embed
Loading ...