ವ್ಯಾಯಾಮ ಮಾಡುವ ಯುವತಿಯೊಬ್ಬಳ ಅಸಲಿಯತ್ತನ್ನು ಅವರ ಮನೆಯ ನಾಯಿಯೇ ಬಯಲು ಮಾಡಿದೆ. ವರ್ಕೌಟ್ ಕುರಿತಾದ ಮೋಜಿನ ವಿಡಿಯೋವೊಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ತಾನು ಗೋಡೆಗೆ ಒರಗಿ ತಲೆ ಕೆಳಗಾಗಿ ಕೈ ಮೇಲೆ ನಿಂತು ವರ್ಕೌಟ್ ಮಾಡುತ್ತಿದ್ದೇನೆ ಎಂದು ಕಾಣುವಂತೆ ಯುವತಿಯೊಬ್ಬಳು ವಿಡಿಯೋ ಮಾಡಿದ್ದಾಳೆ. ಪಕ್ಕದಲ್ಲಿ ವೃದ್ಧನೊಬ್ಬ ಸ್ಟೂಲ್ ಮೇಲೆ ಕುಳಿತು ಪೇಪರ್ ಓದುವಂತೆ ಕಾಣುತ್ತದೆ. ಆದರೆ, ಇದೆಲ್ಲ ಕೆಲ ಹೊತ್ತು ಮಾತ್ರ. ಮನೆಯ ನಾಯಿ ಸಹಜವಾಗಿ ನಡೆದು ಬಂದು ತನ್ನ ಮಾಲೀಕನ ಪಕ್ಕ ಮಲಗುತ್ತದೆ.
ನೆಲದ ಮೇಲೆ ಮಲಗಿ ಸುಲಭದ ವರ್ಕೌಟ್ ಮಾಡಿ ಅದನ್ನು ತಲೆಕೆಳಗಾಗಿ ನಿಂತು ಮಾಡಿದಂತೆ ಕಾಣಬೇಕು ಎಂದು ಚಿತ್ರಿಸಲು ಹೊರಟ ಯುವತಿಯ ಅಸಲಿಯತ್ತು ಬಯಲಾಗಿದೆ. ಈ ವಿಡಿಯೋವನ್ನು 2.2 ಲಕ್ಷ ನೆಟ್ಟಿಗರು ಶೇರ್ ಮಾಡಿದ್ದು, 47 ಸಾವಿರ ಜನ ಲೈಕ್ ಒತ್ತಿದ್ದಾರೆ.
https://www.facebook.com/paulo.martins2207/videos/600811517313738/