ಆಹಾರ ಸುರಕ್ಷತೆ: ಹೋಟೆಲ್‌ಗಳ ಬೆನ್ನಲ್ಲೇ ಈಗ ಸರಬರಾಜು ಗೋದಾಮುಗಳ ಮೇಲೆ ಅಧಿಕಾರಿಗಳ ದಿಢೀರ್ ದಾಳಿ!

ಬೆಂಗಳೂರು- ರಾಜ್ಯಾದ್ಯಂತ ಹೋಟೆಲ್‌ಗಳು ಹಾಗೂ ಆಹಾರ ಉತ್ಪಾದನಾ ಘಟಕಗಳಲ್ಲಿನ ನೈರ್ಮಲ್ಯ ಹಾಗೂ ಗುಣಮಟ್ಟದ ಬಗ್ಗೆ ನಿರಂತರ ತಪಾಸಣೆ ನಡೆಸುತ್ತಿದ್ದ ಆಹಾರ ಸುರಕ್ಷತಾ ವಿಭಾಗದ ಅಧಿಕಾರಿಗಳು, ಇದೀಗ ತಮ್ಮ ಕಾರ್ಯಾಚರಣೆಯ ವ್ಯಾಪಕತೆಯನ್ನು ವಿಸ್ತರಿಸಿದ್ದಾರೆ.

ಹೋಟೆಲ್‌ಗಳಿಗೆ ನೇರವಾಗಿ ಮಾಂಸ ಹಾಗೂ ದಿನಸಿ ವಸ್ತುಗಳನ್ನು ಪೂರೈಸುವ ಪ್ರಮುಖ ಸಗಟು ಗೋದಾಮುಗಳ ಮೇಲೂ ದಾಳಿ ನಡೆಸಿ, ಕಟ್ಟುನಿಟ್ಟಿನ ತಪಾಸಣೆ ಆರಂಭಿಸಿರುವುದು ಈಗಿನ ಪ್ರಮುಖ ಬೆಳವಣಿಗೆಯಾಗಿದೆ.

ಜೊಮ್ಯಾಟೋ ಹೈಪರ್‌ಪ್ಯೂರ್ ಗೋದಾಮಿನ ಮೇಲೆ ದಾಳಿ

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಯು.ಟಿ. ಖಾದರ್ ಅವರ ಮಾರ್ಗದರ್ಶನದಂತೆ, ಆಹಾರ ಸುರಕ್ಷತೆ ಮತ್ತು ಔಷಧ ಆಡಳಿತ ಇಲಾಖೆಯ ಹಿರಿಯ ಅಧಿಕಾರಿಗಳ ತಂಡವು ಬೆಂಗಳೂರಿನ ಸಕಲವಾರ ನಗರದಲ್ಲಿರುವ ಪ್ರಸಿದ್ಧ ‘ಜೊಮ್ಯಾಟೋ ಹೈಪರ್ಪ್ಯೂರ್’ ಘಟಕದ ಗೋದಾಮಿನ ಮೇಲೆ ವಿಶೇಷ ದಾಳಿ ನಡೆಸಿ ಪರಿಶೀಲನೆ ಕೈಗೊಂಡಿತು. ಈ ಗೋದಾಮು ನಗರದ ಪ್ರತಿಷ್ಠಿತ ಹೋಟೆಲ್‌ಗಳು ಮತ್ತು ರೆಸ್ಟೋರೆಂಟ್‌ಗಳಿಗೆ ಅಗತ್ಯ ಆಹಾರ ಪದಾರ್ಥಗಳನ್ನು ಪೂರೈಸುವ ಪ್ರಮುಖ ಕೇಂದ್ರವಾಗಿದೆ.

ತಪಾಸಣೆಯಲ್ಲಿ ಬೆಳಕಿಗೆ ಬಂದ ನಿಯಮ ಉಲ್ಲಂಘನೆಗಳು

ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಕಾಯ್ದೆ-2006 ಹಾಗೂ ನಿಯಮಗಳು-2011ರ ಅನ್ವಯ ನಡೆಸಿದ ಈ ತಪಾಸಣೆಯಲ್ಲಿ ಗೋದಾಮಿನ ಒಳಗೆ ಹಲವು ಗಂಭೀರ ನಿಯಮ ಉಲ್ಲಂಘನೆಗಳು ಬೆಳಕಿಗೆ ಬಂದಿವೆ:

ಸ್ವಚ್ಛತೆ:

ಗೋದಾಮಿನ ಒಳಾವರಣವನ್ನು ಸ್ವಚ್ಛವಾಗಿ ಮತ್ತು ಅಚ್ಚುಕಟ್ಟಾಗಿ ನಿರ್ವಹಿಸಿರುವುದು ತಪಾಸಣೆ ವೇಳೆ ಕಂಡುಬಂದಿದ್ದು, ಇದು ಸಮಾಧಾನಕರ ಸಂಗತಿಯಾಗಿದೆ. ಮಾಂಸದ ಗುಣಮಟ್ಟ: ಸುಮಾರು 146 ಕೆ.ಜಿ. ಕೋಳಿ ಮಾಂಸದ ಪೊಟ್ಟಣಗಳ ಮೇಲೆ ತಯಾರಕರ ಅಧಿಕೃತ ಎಫ್‌ಎಸ್‌ಎಸ್‌ಎಐ (FSSAI) ಪರವಾನಗಿ ಸಂಖ್ಯೆ ನಮೂದಿಸಿರಲಿಲ್ಲ.ಬೆಳ್ಳುಳ್ಳಿ ಸಂಗ್ರಹ: ಸಂಗ್ರಹಿಸಿಡಲಾಗಿದ್ದ 40 ಕೆ.ಜಿ. ಬೆಳ್ಳುಳ್ಳಿಯ ತಯಾರಕರ ಪರವಾನಗಿಯು ಚಾಲ್ತಿಯಲ್ಲಿರಲಿಲ್ಲ.

ಲೇಬಲಿಂಗ್ ದೋಷ:

300 ಕೆ.ಜಿ. ಅಕ್ಕಿ ಹಾಗೂ 20 ಕೆ.ಜಿ. ಒಣಹಣ್ಣುಗಳ (ಡ್ರೈಫ್ರೂಟ್ಸ್) ಪ್ಯಾಕ್‌ಗಳಲ್ಲಿ ತಪ್ಪು ಲೇಬಲಿಂಗ್ ಪತ್ತೆಯಾಗಿದೆ.ಶೈತ್ಯೀಕರಣ ನಿಯಮ ಉಲ್ಲಂಘನೆ: ಆಮದು ಮಾಡಿಕೊಳ್ಳಲಾದ 10 ಕೆ.ಜಿ. ಮೂಲಂಗಿ ಉಪ್ಪಿನಕಾಯಿಯನ್ನು ಲೇಬಲ್‌ನಲ್ಲಿ ಸೂಚಿಸಿದಂತೆ ನಿಗದಿತ ಶೀತಲೀಕರಿಸಿದ (Cold Storage) ಸ್ಥಳದಲ್ಲಿ ಸಂಗ್ರಹಿಸಿರಲಿಲ್ಲ.

ಮಸಾಲೆ ಪದಾರ್ಥಗಳು:

15 ಕೆ.ಜಿ. ಮಸಾಲೆ ಪದಾರ್ಥಗಳ ಪ್ಯಾಕ್‌ಗಳ ಮೇಲೂ ಲೇಬಲಿಂಗ್ ಲೋಪವಿರುವುದು ದೃಢಪಟ್ಟಿದೆ. ಕಾನೂನು ಕ್ರಮ ಹಾಗೂ ಮಾದರಿ ಸಂಗ್ರಹಗೋದಾಮಿನಲ್ಲಿ ಪತ್ತೆಯಾದ ವಿವಿಧ ಆಹಾರ ಉತ್ಪನ್ನಗಳ ಒಟ್ಟು 40 ಮಾದರಿಗಳನ್ನು ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ. ಇದರಲ್ಲಿ 5 ಕಾನೂನು ಬದ್ಧ ಮಾದರಿಗಳು ಹಾಗೂ 35 ಸಮೀಕ್ಷಾ ಮಾದರಿಗಳು ಸೇರಿವೆ.

ನೋಟಿಸ್ ಜಾರಿ ಮತ್ತು ಮುಂದಿನ ಕ್ರಮ

ನಿಯಮಗಳನ್ನು ಉಲ್ಲಂಘಿಸಿರುವ ಜೊಮ್ಯಾಟೋ ಹೈಪರ್ಪ್ಯೂರ್ ಘಟಕಕ್ಕೆ ಇಲಾಖೆಯು ಅಧಿಕೃತವಾಗಿ ನೋಟಿಸ್ ಜಾರಿ ಮಾಡಿದ್ದು, ಮುಂದಿನ ದಿನಗಳಲ್ಲಿ ಕಾಯ್ದೆಯನ್ವಯ ಕಠಿಣ ಕಾನೂನು ಕ್ರಮ ಜರುಗಿಸುವುದಾಗಿ ಎಚ್ಚರಿಕೆ ನೀಡಿದೆ.

ಸಾರ್ವಜನಿಕರ ಆರೋಗ್ಯದ ಹಿತದೃಷ್ಟಿಯಿಂದ ಕೇವಲ ಚಿಲ್ಲರೆ ಮಾರಾಟ ಮಳಿಗೆಗಳು ಮತ್ತು ಹೋಟೆಲ್‌ಗಳು ಮಾತ್ರವಲ್ಲದೆ, ಪೂರೈಕೆದಾರರ ಹಂತದಲ್ಲೂ ಗುಣಮಟ್ಟದ ಮೌಲ್ಯಮಾಪನ ಅತಿ ಅಗತ್ಯವಾಗಿದ್ದು, ಮುಮುಂದಿನ ದಿನಗಳಲ್ಲಿಯೂ ಇಂತಹ ಕಾರ್ಯಾಚರಣೆಗಳು ಮುಂದುವರಿಯಲಿವೆ ಎಂದು ಇಲಾಖೆಯ ಮೂಲಗಳು ತಿಳಿಸಿವೆ