ಹಲವು ಗಂಟೆಗಳ ಪ್ರಯಾಣದ ಬಳಿಕ ನೀವು ಹೋಗಬೇಕಿರುವ ಜಾಗವನ್ನು ಬಿಟ್ಟು ಮರಳಿ ನಿಮ್ಮ ಮೂಲ ಸ್ಥಾನಕ್ಕೆ ಬಂದರೆ ಹೇಗಿರುತ್ತದೆ? ಅಂಥದ್ದೇ ಒಂದು ವಿಚಿತ್ರ ಇಲ್ಲಿಯೂ ನಡೆದಿದೆ.
ಜಪಾನ್ ಏರ್ಲೈನ್ಸ್ನಲ್ಲಿ ಇದೇ ರೀತಿ ಎಡವಟ್ಟು ಆಗಿದೆ. ಫುಕುವೊಕಾಗೆ ತೆರಳುತ್ತಿದ್ದ ಈ ವಿಮಾನ ಸಂಪರ್ಕ ಕಡಿದುಕೊಂಡು ಪುನಃ ಮೂಲ ವಿಮಾನ ನಿಲ್ದಾಣಕ್ಕೆ ಬಂದು ಲ್ಯಾಂಡ್ ಆಗಿದೆ. ಇದರಲ್ಲಿದ್ದ 300 ಕ್ಕೂ ಹೆಚ್ಚು ಪ್ರಯಾಣಿಕರು ಕಂಗಾಲಾಗಿ ಹೋದ ಘಟನೆ ನಡೆದಿದೆ.
ಫೆಬ್ರವರಿ 19 ರಂದು ಟೋಕಿಯೊದ ಹನೆಡಾ ವಿಮಾನ ನಿಲ್ದಾಣದಿಂದ JL331 ವಿಮಾನವು ಫುಕುವೋಕಾಕ್ಕಾಗಿ ಹೊರಟಿತ್ತು. ಮೊದಲು ಸುಮಾರು 2 ಗಂಟೆಗಳ ಕಾಲ ಪ್ರಯಾಣ ಸುಗಮವಾಗಿಯೇ ನಡೆದಿತ್ತು. ನಂತರ ವಿಮಾನ ಸಂಪರ್ಕ ಕಳೆದುಕೊಂಡಿತು. ಏಳು ಗಂಟೆ ಸುಮಾರು 800 ಕಿಲೋ ಮೀಟರ್ ಹಾರಾಟ ನಡೆಸಿದ ಬಳಿಕ ಹವಾಮಾನದ ವೈಪರೀತ್ಯದಿಂದಾಗಿ ಹೀಗಾಯಿತು. ವಿಮಾನವು ಕೊನೆಯ ಕ್ಷಣದಲ್ಲಿ ವಾಪಸ್ ಹೋಗಲೇಬೇಕಾದ ಅನಿವಾರ್ಯತೆ ಉಂಟಾಯಿತು. ಕೆಲವು ಗಂಟೆ ಹಾರಾಟದ ಬಳಿಕ ಪುನಃ ಹನೆಡಾ ನಿಲ್ದಾಣಕ್ಕೆ ವಾಪಸಾಗಿದೆ. ನಂತರ ಮಾರನೆಯ ದಿನ ಈ ಪ್ರಯಾಣಿಕರಿಗೆ ಪ್ರಯಾಣಕ್ಕೆ ಅವಕಾಶ ಕಲ್ಪಿಸಲಾಗಿದೆ ಎಂದು ವರದಿಯಾಗಿದೆ.
